الەم جاڭالىقتارى
رەسەيلىك Wildberries-تەن 1,2 ميلليونعا تاۋار العانى ءۇشىن 10 جىلعا سوتتالماق
فوتو: ۆيدەودان سكرين
رەسەيلىك قىز 10 جىلعا باس بوستاندىعىنان ايىرىلۋى مۇمكىن, دەپ حابارلادى Qandastar.kz.
23 جاستاعى بويجەتكەن اتالعان سايتقا 2023 جىلدىڭ كوكتەمىندە تىركەلگەن. تەحنيكالىق اقاۋعا بايلانىستى ونىڭ تاپسىرىسى سايتتا ءجيى تولەنگەن بولىپ كورسەتىلگەن.
ول ءبىرىنشى رەت تولەم جاساماستان تاۋار العان. ودان ەشقانداي اقشا تالاپ ەتىلمەگەن. قۇنىققان قىز قاتەلىككە بوي بەرىپ, قوماقتى قارجىعا تاپسىرىس بەرۋىن جالعاستىرعان. قىزدىڭ قالاۋىنىڭ ىشىندە iPhone ۇيالى تەلەفونىنان باستاپ, كيىم-كەشەك, اياق كيىم, چەمودان, التىن زەرگەرلىك بۇيىمدار, ويىن كونسولدەرى, پارفيۋمەريا, توسەك-ورىندارىنا دەيىن بار. وسىلايشا, ورىس قىزى ساۋدانىڭ بۋىنا كىرگەن.
جاقىندا سايتتاعى قىزمەتكەرلەر قاتەنى بايقاپ, قىزدىڭ اككاۋنتىن دەرەۋ بۇعاتتادى. ەندى ول «اسا ءىرى كولەمدەگى الاياقتىق» بابى بويىنشا 10 جىلعا دەيىن باس بوستاندىعىنان ايىرىلۋى مۇمكىن.
