Respýblıkalyq aqparattyq túsindirý toby músheleriniń qatysýymen Jetysý oblysy aýmaǵynda birqatar is-sharalar ótkizildi

Qazaqstan Rýspýblıkasy mádenıet jáne aqparat mınıstrligi, Din isteri komıtetiniń qoldaýymen a.j. 22-26 shilde kúnderi Respýblıkalyq aqparattyq túsindirý toby músheleri Jetisý oblysyna is-sapar jasady.

Atalǵan is-sapardyń maqsaty halyqtyń dintanýlyq saýattylyǵyn arttyrý jáne din salasyndaǵy memlekettik saıasatty túsindirý jumystaryn júrgizý arqyly qoǵamda jalǵan dinı ıdeıalardyń taralýyn boldyrmaý jáne dinı ekstremızmniń aldyn alý bolyp tabylady.

Atalǵan baǵytta jalpy sany 20 dan asa is-shara uıymdastyrylyp, 700-den astam adam qamtyldy.

Atalǵan is-sharaǵa: Ádilbaev Alaý Shaıqymuly – «Nur-Múbarak» Egıpet Islam mádenıeti ýnıversıtetiniń professory, aǵa oqytýshy, Shaǵyrbaı Almasbek Dúısenbekuly – QR ǴjJBM Ǵylym komıtetiniń fılosofııa, saıasattaný jáne dintaný ortalyǵynyń dırektory, PhD doktory, Cúleımenov Jandaýlet Otarbaıuly – Teologııa ǵ.magıstri, sarapshy, Berikbaev Elnar Ǵalymjanuly – Prezıdent janyndaǵy jastar keńesi múshesi, Ál-Farabı atyndaǵy QazUÝ aǵa oqytýshysy, dintanýshy, PhD doktory, Álip Tursynǵalı Tóreǵalıuly – Dintanýshy, gýmanıtarlyq ǵ.magıstri sekildi din máseleleri boıynsha Respýblıkalyq aqparattyq túsindirý tobynyń músheleri qatysty.

Túsindirý tobynyń músheleri Taldyqorǵan, Tekeli qalalarynda jáne Kóksý, Kerbulaq,​ Panfılov aýdandarynda boldy. Olar halyq arasynda «Jat dinı aǵymdardyń jastarǵa keri áseri», «Jat dinı aǵymdardyń jastarǵa keri áseri», «Zaıyrly memleket ult pen din tutastyǵynyń kepili», «Ult pen dástúr» jáne t. b. taqyryptarda túsindirý jumystaryn júrgizdi.

Is-sapar barysyndaǵy aqparattyq-túsindirý jumystary aıasynda túzetý mekemesinde jazasyn óteýshiler, jattyqtyrýshylary men sportshylary, qandastar men ózgede etnos ókilderi, ózin-ózi jumyspen qamtyǵandardy, jumyssyz jastardy, aýyl turǵyndaryn, meshit jamaǵaty jáne t.b. toptar qamtyldy.