جاڭالىقتار
ريددەردە ايەلى مەن كۇيەۋىن ۇيىندە ءولتىرىپ كەتكەن
فوتو: اشىق دەرەككوز
شىعىس قازاقستان وبلىسى ريددەر قالاسىندا قاسكوي ەرلى-زايىپتىنى پىشاقپەن ءولتىرىپ كەتكەن. شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قالاداعى پاتەرلەردىڭ بىرىندە ەكى ادامنىڭ ءمايىتى تابىلعان, دەپ حابارلايدى Skifnews.kz اقپارات پورتالى.
بەلگىلى بولعانداي, ايەلى مەن كۇيەۋىن ءوز ۇيلەرىندە پىشاقتاپ, ءولتىرىپ كەتكەن. كۇدىكتىنىڭ كىم ەكەنى انىقتالدى. مارقۇمداردىڭ ارتىندا كامەلەتكە تولماعان ەكى بالا قالدى.
قازىرگى ۋاقىتتا اتالعان فاكتى بويىنشا قىلمىستىق ءىس قوزعالدى. جەدەل-ىزدەستىرۋ شارالارى بارىسىندا قولعا تۇسكەن كۇدىكتى ۋاقىتشا ۇستاۋ يزولياتورىنا قاماۋعا الىنعان. ءىستىڭ تەرگەلۋى دەپارتامەنت باسشىلىعىنىڭ جەكە باقىلاۋىندا. وزگە اقپاراتتى جاريا ەتۋگە زاڭ بويىنشا تىيىم سالىنعان, — دەلىنگەن حابارلامادا.
