جاڭالىقتار
ريمدەگى جارىلىس: سەگىز پوليتسيا قىزمەتكەرى جارالاندى
ريمدەگى جانارماي قۇيۋ بەكەتىندە قۋاتتى جارىلىس بولدى. سالدارىنان ون ادام زارداپ شەكتى. ولاردىڭ سەگىزى – پوليتسيا قىزمەتكەرلەرى, دەپ حابارلادى Qandastar.kz.
جارىلىستان كەيىن وقيعا ورنىندا ۇلكەن ءورت شىقتى, ونى اۋىزدىقتاۋ ءبىراز ۋاقىتقا سوزىلدى. وقيعانىڭ سەبەپتەرى ازىرگە بەلگىسىز, ماماندار بارلىق ءمان-جايلاردى انىقتاپ جاتىر. وقيعا ورنىندا ءورت سوندىرۋشىلەر مەن جەدەل قىزمەت وكىلدەرى جۇمىسىن جالعاستىرۋدا.
Roma Today جەرگىلىكتى پورتالىنىڭ مالىمەتىنشە, كەم دەگەندە 20 ادام جاراقات العان, ال توتەنشە جاعدايدىڭ الدىندا قۇبىرعا جۇك كولىگى سوعىلعان.
سونداي-اق, قاۋىپسىزدىك ماقساتىندا جاقىن ماڭداعى مەترو ستانتسياسى ۋاقىتشا جابىلعان.
