«رينات زايىتوۆ, اسپاننان ءتۇستىڭ بە?» دەيدى ۇستازدار

فوتو: qaz365.kz

تاياۋدا ءماجىلىس دەپۋتاتى رينات زايىتوۆ قازاقستاندىق مۇعالىمدەرگە, اتا-انالارعا ۇندەۋ جولداپ, ۆيدەو جاريالاعان بولاتىن.

ۆيدەوسىندا دەپۋتات “مەكتەپتە اقشا جيناۋ, رەمونتقا, ءتۇرلى ءىس-شارالارعا اقشا جيناۋ بولىپ جاتسا, بىزگە حابارلاسىڭىز” دەپ الداعى جۇماعا دەيىن حابارلاسۋدى ايتقان بولاتىن. وسىعان بايلانىستى ەلىمىزدىڭ بەلسەندى مۇعالىمدەرى ءوز پىكىرىن ءبىلدىردى.

“وسى ماسەلەنى داۋىسىمىز جەتكەن جەردە ايقايلاپ جۇرگەنىمىزگە 10 جىلعا جۋىقتادى عوي..

ءوزىڭ ايتىپ وتىرعان ءماجىلىستىڭ الەۋمەتتىك-مادەني دامۋ كوميتەتىنىڭ توراعاسى ا.ايماعامبەتوۆ مۇنى ءوز قۇلاعىمەن 2019 جىلى مينيستر كەزىندە بىزدەن ەستىگەن…سۇراساڭشى اسقات قانات ۇلىنان..

ال, وقۋ-اعارتۋ مينيسترلىگىنىڭ وكىلىنە ايتتىڭ..وام ءمينيسترى ارانى اشىلعان ديرەكتورعا نە ىستەي الادى?ەشتەڭە ىستەي المايدى.

سەبەبى, ديرەكتوردى تاعايىنداعان ءبىلىم باسقارماسىنىڭ باستىعىن مينيستر ەمەس, اكىم تاعايىنداعان..

2023 جىلدىن جەلتوقسان ايىندا وام ءمينيسترى ع.بەيسەمباەۆ تۇركىستانعا كەلگەن..

ماعان جەتكەن اقپارات راس بولسا, ءمينيستردىڭ قابىلداۋىنا كىرۋگە تۇلكىباس اۋدانىنىڭ ءبىلىم ءبولىمى قاراستى ءبىر بالا باقشانىڭ قىزمەتكەرلەرى بارعان.

سول كەزدە وام كوميتەت توراعاسى ەرنۇر داۋەنوۆ «مينيسترگە كىرمەي-اق قويىڭىزدار. ماسەلەلەرىڭىزدى ءبىر اپتانىڭ ىشىندە شەشىپ بەرەم» دەپ, مينيسترگە كىرگىزبەگەن..

سولاي ما, الۆينكا پوپوۆا, كاتيرا جۋماباەۆا?

سول ماسەلە شەشىلدى مە?

ءوسىپ كەلە جاتقان جىگىتسىڭ, رينات..

سوندىقتان, سەن دە ءبىر ىسكە كىرىسىپ, سايلاۋشىلارعا ۋادە بەرەردە ازداپ ويلانىپ ال..

ايتپاقشى, وتكەن كۇزدە جەتىساي اۋدانى ءبىلىم ءبولىمى نە قاراستى ءال-فارابي اتىنداعى مەكتەپتىڭ ديرەكتورى ءوز قىزمەتكەرلەرى دجاميلا كۋلمانوۆا باگيلا بەگەنديكوۆا جانە تاعى باسقالاردى سوتقا بەرگەندە ولار سەنەن كومەك سۇراپ حات جازعان. سوندا قانداي كومەك بەردىڭ?” دەپ جازدى شىمكەنتتىك ۇستاز ءومىر شىنىبەك ۇلى.

سونىمەن قاتار “ە-وتىنىشكە” تالاي رەت حات جازىپ, ەشبىر ناتيجە بولماعانىن ايتقان ۇستازدار مەن اتا-انالار دەپۋتاتتىڭ بۇل ۇندەۋىن بار بولعانى “حايپ” دەپ باعالادى.