«Rınat Zaıytov, aspannan tústiń be?» deıdi ustazdar

Foto: qaz365.kz

Taıaýda Májilis depýtaty Rınat Zaıytov qazaqstandyq muǵalimderge, ata-analarǵa úndeý joldap, vıdeo jarııalaǵan bolatyn.

Vıdeosynda depýtat “mektepte aqsha jınaý, remontqa, túrli is-sharalarǵa aqsha jınaý bolyp jatsa, bizge habarlasyńyz” dep aldaǵy jumaǵa deıin habarlasýdy aıtqan bolatyn. Osyǵan baılanysty elimizdiń belsendi muǵalimderi óz pikirin bildirdi.

“Osy máseleni daýysymyz jetken jerde aıqaılap júrgenimizge 10 jylǵa jýyqtady ǵoı..

О́ziń aıtyp otyrǵan Májilistiń áleýmettik-mádenı damý komıtetiniń tóraǵasy A.Aımaǵambetov muny óz qulaǵymen 2019 jyly mınıstr kezinde bizden estigen…Surasańshy Asqat Qanatulynan..

Al, Oqý-aǵartý mınıstrliginiń ókiline aıttyń..OAM mınıstri arany ashylǵan dırektorǵa ne isteı alady?Eshteńe isteı almaıdy.

Sebebi, dırektordy taǵaıyndaǵan Bilim Basqarmasynyń bastyǵyn mınıstr emes, ákim taǵaıyndaǵan..

2023 jyldyn jeltoqsan aıynda OAM mınıstri Ǵ.Beısembaev Túrkistanǵa kelgen..

Maǵan jetken aqparat ras bolsa, mınıstrdiń qabyldaýyna kirýge Túlkibas Aýdanynyń Bilim Bólimi qarasty bir bala baqshanyń qyzmetkerleri barǵan.

Sol kezde OAM Komıtet tóraǵasy Ernur Dáýenov «Mınıstrge kirmeı-aq qoıyńyzdar. Máselelerińizdi bir aptanyń ishinde sheship berem» dep, mınıstrge kirgizbegen..

Solaı ma, Alvınka Popova, Katıra Jýmabaeva?

Sol másele sheshildi me?

О́sip kele jatqan jigitsiń, Rınat..

Sondyqtan, sen de bir iske kirisip, saılaýshylarǵa ýáde bererde azdap oılanyp al..

Aıtpaqshy, ótken kúzde Jetisaı Aýdany Bilim Bólimi ne qarasty Ál-Farabı atyndaǵy mekteptiń dırektory óz qyzmetkerleri Djamıla Kýlmanova Bagıla Begendıkova jáne taǵy basqalardy sotqa bergende olar senen kómek surap hat jazǵan. Sonda qandaı kómek berdiń?” dep jazdy shymkenttik ustaz О́mir Shynybekuly.

Sonymen qatar “E-О́tinishke” talaı ret hat jazyp, eshbir nátıje bolmaǵanyn aıtqan ustazdar men ata-analar depýtattyń bul úndeýin bar bolǵany “haıp” dep baǵalady.