رينات زايىتوۆ تالعارداعى وقيعاعا قاتىستى پىكىر ءبىلدىردى

فوتو: ءماجىلىس

ءماجىلىس دەپۋتاتى رينات زايىتوۆ تالعاردا بولعان وقيعاعا قاتىستى پىكىر ءبىلدىردى, – دەپ حابارلايدى qandastar.kz

دەپۋتاتتىڭ پىكىرىنشە, بۇل ءىستىڭ ارتى شۋعا ۇلاسۋىنا بلوگەرلەر مەن جۋرناليستەردىڭ اسەرى بار, دەپ جازادى Massaget.kz.

«بلوگەرى بار, باسقاسى بار, سىزدەر بۇكىل قازاقستان بويىنشا تۇرمىستىق قىلمىستار جونىندە اقپارات بەرىپ جاتقان جوقسىزدار عوي. ءۇرجاردا بولىپ جاتىر. ماقانشىدا بولىپ جاتىر. مۇلدەم ايتىپ جاتقان جوقسىزدار. سونىڭ كەسىرى مە دەپ ويلايمىن. جۋرناليستەر مەن بلوگەرلەردى كىنالاعان جوقپىن. ونىڭ اسەرى بار دەپ ايتتىم», – دەدى ول.

زايىتوۆتىڭ سوزىنسەك, بۇل وقيعادان حابارى جوق.

«وتىرىك ايتپايىن, بۇل وقيعادان حابارىم جوق. مەن قايدان بىلەمىن?! بەيحابارمىن. الەۋمەتتىك جەلىدە كينونىڭ اينالاسىندا دا شۋ بولادى. بىرىنشىدەن, ءبارىن قاراپ وتىرۋعا مىندەتتى ەمەس شىعارمىن. ەكىنشىدەن, ەگەر بارلىق وسى وقيعانىڭ اينالاسىندا جۇرگەن جۋرناليستەر, بلوگەرلەر شىنىمەن قازاق قوعامىنداعى ادىلەتسىزدىكتى, قازاق قوعامىنداعى كەمشىلىكتەردى تۇزەتۋگە ۇمتىلعان تۇلعالار بولسا, بارلىعىنا ادىلەتتى قاراسىن. ونداي وقيعا جوق دەسە, ماعان كەلىڭىزدەر, قاي جەردە قانداي وقيعا بولىپ جاتقانىن قولدارىڭىزعا بەرەمىن. مىسالى, سەمەيدە ءبىر كىسىنىڭ ۇلىن ۆاحتادا بولعان كەزىندە ءولتىرىپ كەتەدى. سوعان ءىس قوزعاماعانىنا ءبىر جىلدانا استى. ءبىر-اق كەيس قانا», – دەدى ول.

دەپۋتات اۋىلداردا, اۋدانداردا وقۋشىلاردى سوققىعا جىعۋ بويىنشا دەرەك كوپ ەكەنىن جەتكىزدى.

«كىسى ءولىمى بولىپ جاتقان دەرەكتەر وتە كوپ. اينالاسىندا جۇرسەڭىزدەر, مارحابات. ءبىر وسىنداي وقيعانىڭ اينالاسىندا بارلىعى جينالىپ, ونى ماجىلىسكە دەيىن الىپ كەلىپ, قانداي دا ءبىر اڭگىمەنىڭ جانىندا وت جاعۋ كەرەك بولسا, كۇمانمەن قارايمىن. ءيا, قايعىلى وقيعا. مەن ونى رەزونانس ەمەس دەپ جاتقان جوقپىن. ونىڭ اينالاسىنا بايلانىپ قالۋدىڭ ءوزى كۇمان تۋدىرادى», – دەدى دەپۋتات.