Rınat Zaıytov Talǵardaǵy oqıǵaǵa qatysty pikir bildirdi

Foto: Májilis

Májilis depýtaty Rınat Zaıytov Talǵarda bolǵan oqıǵaǵa qatysty pikir bildirdi, – dep habarlaıdy qandastar.kz

Depýtattyń pikirinshe, bul istiń arty shýǵa ulasýyna blogerler men jýrnalısterdiń áseri bar, dep jazady Massaget.kz.

«Blogeri bar, basqasy bar, sizder búkil Qazaqstan boıynsha turmystyq qylmystar jóninde aqparat berip jatqan joqsyzdar ǵoı. Úrjarda bolyp jatyr. Maqanshyda bolyp jatyr. Múldem aıtyp jatqan joqsyzdar. Sonyń kesiri me dep oılaımyn. Jýrnalıster men blogerlerdi kinálaǵan joqpyn. Onyń áseri bar dep aıttym», – dedi ol.

Zaıytovtyń sózinsek, bul oqıǵadan habary joq.

«О́tirik aıtpaıyn, bul oqıǵadan habarym joq. Men qaıdan bilemin?! Beıhabarmyn. Áleýmettik jelide kınonyń aınalasynda da shý bolady. Birinshiden, bárin qarap otyrýǵa mindetti emes shyǵarmyn. Ekinshiden, eger barlyq osy oqıǵanyń aınalasynda júrgen jýrnalıster, blogerler shynymen qazaq qoǵamyndaǵy ádiletsizdikti, qazaq qoǵamyndaǵy kemshilikterdi túzetýge umtylǵan tulǵalar bolsa, barlyǵyna ádiletti qarasyn. Ondaı oqıǵa joq dese, maǵan kelińizder, qaı jerde qandaı oqıǵa bolyp jatqanyn qoldaryńyzǵa beremin. Mysaly, Semeıde bir kisiniń ulyn vahtada bolǵan kezinde óltirip ketedi. Soǵan is qozǵamaǵanyna bir jyldana asty. Bir-aq keıs qana», – dedi ol.

Depýtat aýyldarda, aýdandarda oqýshylardy soqqyǵa jyǵý boıynsha derek kóp ekenin jetkizdi.

«Kisi ólimi bolyp jatqan derekter óte kóp. Aınalasynda júrseńizder, marhabat. Bir osyndaı oqıǵanyń aınalasynda barlyǵy jınalyp, ony Májiliske deıin alyp kelip, qandaı da bir áńgimeniń janynda ot jaǵý kerek bolsa, kúmánmen qaraımyn. Iá, qaıǵyly oqıǵa. Men ony rezonans emes dep jatqan joqpyn. Onyń aınalasyna baılanyp qalýdyń ózi kúmán týdyrady», – dedi depýtat.