جاڭالىقتار
رومان سكليار «قاراعاندى – بالقاش» اۆتوجولىن رەكونسترۋكتسيالاۋدى جىل سوڭىنا دەيىن اياقتاۋدى تاپسىردى
قر پرەمەر-ءمينيسترىنىڭ ءبىرىنشى ورىنباسارى رومان سكليار قاراعاندى وبلىسىنا جۇمىس ساپارى بارىسىندا ۇزىندىعى 363 كم بولاتىن «قاراعاندى – بالقاش» اۆتوجولىن رەكونسترۋكتسيالاۋ جۇمىسى بارىسىمەن تانىستى, دەپ حابارلايدى Qandastar.kz پرەمەر-مينيستر رەسپي اقپاراتتىق رەسۋرسىنا سىلتەمە جاساپ.
قازىرگى ساتتە مەردىگەر كومپانيا جول جابىنىنىڭ جوعارعى قاباتىن توسەپ جاتىر.
«قازاۆتوجول» ۇك» اق قاراعاندى وبلىستىق فيليالىنىڭ ديرەكتورى ەرلان جۇماعۇلوۆ اۆتوجولدىڭ تۇتاس بويىندا اينالىپ وتەتىن جەر جوق ەكەنىن جانە كولىك قۇرالدارى قوزعالىسى قالىپتى جاعدايدا ءجۇرىپ جاتقانىن باياندادى.
جۇمابەك, اقسۋ, اقشاتاۋ, اقسۋ-ايۋلى ەلدى مەكەندەرى مەن بالقاش قالاسى ءۇشىن بەس اينالما جول سالىندى. مەردىگەر بالقاش قالاسىنىڭ ىرگەسىندەگى تەمىرجول ارقىلى وتەتىن وتكەل مەن جول ايرىعى قۇرىلىسىن اياقتادى.
اۋىل شارۋاشىلىعى تەحنيكاسىنىڭ ءوتۋى ءۇشىن 32 جول وتپەسى جانە 11 كوپىر سالىندى. قولدانىستاعى ينجەنەرلىك كوممۋنيكاتسيا جەلىلەرى قايتادان جۇرگىزىلدى.
