الەم جاڭالىقتارى
«روساتوم» كومپانياسى توقاەۆپەن جانە بەكتەنوۆپەن كەزدەسۋگە ءوتىنىش ءبىلدىردى
فوتو: روساتوم
رەسەيدىڭ اەس سالاتىن «روساتوم» كومپانياسى توقاەۆپەن جانە بەكتەنوۆپەن كەزدەسۋ تۋرالى ءوتىنىش ءبىلدىردى, دەپ حابارلادى qandastar.kz Orda.kz-كە سىلتەمە جاساپ.
«قازاقستاننىڭ مۇنايى مەن گازى» تەلەگرام-ارناسىندا جاريالانعان حاتتا «روساتوم» كومپانياسى پرەزيدەنت قاسىم-جومارت توقاەۆپەن جانە پرەمەر-مينيستر ولجاس بەكتەنوۆپەن كەزدەسۋ وتكىزگىسى كەلەتىنى تۋرالى اقپارات تارادى.
«رەسەي فەدەراتسياسىنىڭ قازاقستان رەسپۋبليكاسىنداعى ەلشىلىگى قر سىرتقى ىستەر مينيسترلىگىنە ءوز قۇرمەتىن بىلدىرەدى جانە 2024 جىلدىڭ قاراشا ايىنىڭ سوڭىنا دەيىن رەسەي فەدەراتسياسى سىرتقى ىستەر مينيسترلىگى باس ديرەكتورى كەزدەسۋلەرىن ۇيىمداستىرۋعا كومەك سۇرايدى. «روساتوم» مەملەكەتتىك اتوم ەنەرگياسى كورپوراتسياسى قازاقستان رەسپۋبليكاسىنىڭ پرەزيدەنتى ق.ق.توقاەۆپەن جانە پرەمەر-ءمينيسترى و.ا.بەكتەنوۆپەن يادرولىق سالاداعى ىنتىماقتاستىق پەرسپەكتيۆالارىن تالقىلادى» دەلىنگەن «قازاقستان مۇنايى مەن گازى» تەلەگرام-ارناسىندا جاريالانعان حاتتا.
