«Rosatom» Túrkııadaǵy AES-ke qatysty kompanııany sotqa bermek

Foto:Wikimedia

«Rosatom» Túrkııada salynyp jatqan «Akkýıý» AES-iniń qurylysynyń toqtap qalýyna sebep bolǵany úshin germanııalyq Siemens kompanııasyn sotqa bermek. Bul týraly «Rosatomnyń» atqarýshy dırektory Alekseı Lıhachev aıtqan, dep jazady qandastar.kz

«Bul máselege qatysty sot bolatyny anyq. Aqshasy aldyn-ala tólengen jabdyq jetkizilmedi. Saldarynan biz qosymsha shyǵynǵa ushyrap, basqa jabdyq satyp alýǵa týra keldi. Sonymen birge bul jabdyq montajyna da birshama ýaqyt ketti. Biz bul talaptardy sotta kóteremiz», – dep málimdegen Lıhachev.

kz.kursiv.media habarlaǵandaı, kompanııa basshysy sankııalarǵa qaramastan, sheteldegi jobalardyń ýaqtyly júrgizilip jatqanyn aıtqan. «Rosatom» budan bólek Bangladeshte jáne Mysyrda AES jobalaryna qatysady.

Aıta keteıik, «Rosatom» Qazaqstandaǵy AES jobasyna da qatysýy múmkin. Elde atom elektr stanııasyn salý úshin 5 elden turatyn konsorıým qurylady. Ol konsorıýmǵa Qytaı, Reseı, Ońtústik Koreıa jáne Franııa kompanııalary kiredi. Konsorıým qurylǵan soń, Qazaqstan tarapy qaı elden AES-ke qajetti qandaı jabdyqtar jetkiziletinin anyqtaıtyn bolady.

Qazirgi ýaqytta «CNNC» (QHR, HPR-1000 reaktory), «Rosatom» (RF, VVER-1200 reaktory), «KHNP» (Ońtústik Koreıa, APR-1000, APR-1400 reaktorlary), «EDF» (Franııa, EPR1200 reaktory) sııaqty áleýetti jetkizýshilerimen kelissóz bastalǵan. Kelissózder básekelestik dıalog rásiminde júrgizilip jatyr.