Rosavıaııa Aqtaýda qulaǵan ushaqqa qatysty málimdeme jasady

Bul týraly Rosavıaııa basshysy Dmıtrıı Iadrovtyń Aqtaýdaǵy ushaq apatyna baılanysty alǵash ret jasaǵan málimdemesinde aıtylǵan, dep habarlaıdy qandastar.kz Skifnews.kz aqparat portalyna silteme jasap.

25 jeltoqsanda Groznyı áýe keńistigi Azerbaijan Airlines ushaǵy apatqa ushyraǵan kezde ýkraınalyq drondardyń shabýylyna baılanysty jabylǵan.

«Sol kúni jáne sol ýaqyttaǵy saǵattarda Groznyı áýejaıynyń mańyndaǵy ahýal óte qıyn boldy. Ýkraınalyq áskerı drondar sol ýaqytta Groznyı men Vladıkavkazdaǵy azamattyq ınfraqurylymǵa terrorıstik shabýyldar jasaýǵa tyrysty. Osyǵan baılanysty Groznyı áýejaıynyń mańynda barlyq áýe kemeleriniń atalǵan keńistikten dereý ketýin kózdeıtin «Kover» rejımi engizildi», – dedi Iadrov.

Sózinshe, Groznyı áýejaıynyń mańynda qalyń tuman bolǵan jáne 500 metr bıiktikte eshteńe kórinbegen.

Budan basqa Rosavıaııa basshysy apatqa ushyraǵan Embraer ushaǵynyń komandıri áýe kemesin Groznyıda eki ret qondyrýǵa áreket jasaǵanymen, ol sátsiz aıaqtalǵanyn málimdedi.

«Komandırge basqa áýejaılar usynyldy. Ol Aqtaý áýejaıyna barý týraly sheshim qabyldady», – dedi ol.

Dmıtrıı Iadrov Qazaqstan men Ázerbaıjanmen birlesip «tergeýdi qajet etetin kóptegen jaǵdaı» bar ekenin alǵa tartty. Sondaı-aq Reseı tarapy tergeýde yntymaqtastyq jasaýǵa daıyn ekenin bildirdi.