«Rozanyń ózi tańqaldy»: Rymbaevamen án salǵan qalyńdyqtyń armany oryndaldy

Qazaqstanda ótken toılardyń birinde erekshe ári áserli sát oryn aldy. Qalyńdyq toı barysynda sahnaǵa kóterilip, Qazaqstannyń halyq ártisi Roza Rymbaevamen birge án shyrqady. Bul sát toı qonaqtary men áleýmettik jeli qoldanýshylarynyń júregin eljiretti, dep jazady Qandastar.kz

Keıin belgili bolǵandaı, qalyńdyq bala kezinen Roza Rymbaevanyń shyǵarmashylyǵyna tánti bolyp ósken. Mektep qabyrǵasynda júrgende-aq ánshiniń ánderin úırenip, sahnada oryndaýdy armandaǵan eken. Sol bala kúngi armany dál osy sátte oryndaldy.

Áleýmettik jeli qoldanýshylary qos ánshiniń oryndaýyna joǵary baǵa berip, kelinniń vokaldyq sheberligi men sahnadaǵy úılesimdi atmosferany erekshe atap ótti.