جاڭالىقتار
رۋدنىيداعى سۇمدىق: 51 جاسار ايەل 15 جاسار قىزدى پىشاقتاعان
قوستاناي وبلىسىنىڭ رۋدنىي قالاسىندا 51 جاستاعى ايەل 15 جاستاعى مەكتەپ وقۋشىسىنا پىشاق جاراقاتىن كەلتىردى, دەپ حابارلايدى Qandastar.kz.
قىز بالا اتا-اناسىمەن بىرگە ماسكۇنەم اجەسىن ىزدەپ, ءبىر تانىسىنىڭ ۇيىنە باس سۇققان. ءۇي يەسى بۇنى جاقتىرماي, شاقىرۋسىز قوناقتاردى قۋىپ شىققان. جانجالدىڭ ارتى اۋلادا جالعاسىپ, ەگدە جاستاعى ايەل ءجاسوسپىرىمنىڭ قارىن تۇسىن پىشاقتاپ جىبەرگەن.
اۋىر جاراقات العان قىزعا جەدەل كومەك كورسەتىلىپ, وتا جاسالعان. قازىرگى ساتتە جابىرلەنۋشى قوستاناي وبلىستىق اۋرۋحاناسى دارىگەرلەرىنىڭ قاتاڭ باقىلاۋىندا.
پوليتسيا كۇدىكتىنى تۇتقىنداپ, وقيعا بويىنشا قىلمىستىق ءىس قوزعادى.
