Rýslan Berdenov Shymkentte jemqorlyq joq ekenin aıtty

Foto: t.me/mazhilis_kz

Jaqynda ǵana Shymkent qalasy ákiminiń orynbasary laýazymyna taǵaıyndalǵan eks-depýtat Rýslan Berdenov qalada sybaılas jemqorlyq joq ekenin málimdedi. Bul týraly qandastar.kz 

Ákim orynbasarynyń málimdemesi áleýmettik jelide tarady.

«Memlekettik satyp alýlar boıynsha – bizde buryn bolǵan sybaılas jemqorlyq derekteri qazir joq. Men muny ashyq, resmı túrde aıta alamyn jáne bul tek meniń emes, bul osy salada jumys isteıtin kásipkerlerdiń sózderi. Qazir qurylys salasynda, memlekettik satyp alýlarda sybaılas jemqorlyq joq», — dedi Berdenov jýrnalıstermen áńgimelesý kezinde.

Eks-depýtattyń málimdemesi jeli qoldanýshylary arasynda qyzý pikirtalas týdyrdy. Jeli qoldanýshylary Berdenovtyń sózderine kúmánmen qarap, tipti ázilge aınaldyryp pikir bildirdi.

“Mynaý ne aıtyp tur?”, “О́zine áli eshkim usynbaǵan shyǵar”, “О́zińe kúlkili emes pe?”, “300 jyldyq tarıhy bar Franııa, 200 jyldyq Amerıka áli jemqorlyqty tolyq jeńe alǵan joq, bular qalaı mundaı málimdemeler jasaı alady”, – delingen pikirlerde.

Eske salsaq, buǵan deıin parlament májilisiniń depýtaty Rýslan Berdenov Shymkent ákiminiń orynbasary qyzmetine taǵaıyndalǵany týraly jazǵan edik.