رۋسلان بەردەنوۆكە جاسالعان قاستاندىق: ءىس ەكى باپ بويىنشا تەرگەلىپ جاتىر

فوتو:ساياسات

شىمكەنت قالالىق پوليتسيا دەپارتامەنتىنىڭ حابارلاۋىنشا, رۋسلان بەردەنوۆكە قارۋلى شابۋىل جاساۋ دەرەگى بويىنشا تەرگەۋ قىلمىستىق كودەكستىڭ ەكى بابى بويىنشا جۇرگىزىلۋدە, دەپ حابارلايدى qandastar.kz    Dalanews.kz-كە سىلتەمە جاساپ.

اتاپ ايتقاندا:

قك-ءنىڭ 24-بابىنىڭ 3-بولىگى — قىلمىسقا وقتالۋ – قاساقانا قىلمىس جاساۋعا تىكەلەي باعىتتالعان ارەكەتتەر (ارەكەتسiزدiك), ەگەر ول ادامعا بايلانىستى ەمەس ءمان-جايلار بويىنشا اقىرىنا دەيiن اياقتالماسا, قىلمىسقا وقتالۋ دەپ تانىلادى.

قك-ءنىڭ 99-بابىنىڭ 2-بولىگى, 6-تارماعى — 2. وسى باپتىڭ ءبىرىنشى بولىگىندە كوزدەلگەن ادام ءولتىرۋ مىناداي: 6) وزگە ادامداردىڭ ومىرىنە قاۋىپتى تاسىلمەن جاسالسا,ون بەس جىلدان جيىرما جىلعا دەيىنگى مەرزىمگە باس بوستاندىعىنان ايىرۋعا, نەمەسە ءومىر بويىنا باس بوستاندىعىنان ايىرۋعا جازالانادى.

پوليتسيا بۇل باپتار بويىنشا 15 جىلدان 20 جىلعا دەيىن باس بوستاندىعىنان ايىرۋ نەمەسە مۇلكىن تاركىلەي وتىرىپ نە تاركىلەمەي, ءومىر بويىنا باس بوستاندىعىنان ايىرۋ جازاسى قاراستىرىلاتىنىن اتاپ ءوتتى. بۇل — سوتتىڭ شەشىمىنە بايلانىستى بولادى.

ەسكە سالايىق, رۋسلان بەردەنوۆ 21 ساۋىردە ءۇش رەت دروبوۆيكپەن اتىلىپ, اۋىر جاراقات العان. شابۋىل جاساعان كۇدىكتى ۇستالدى. شىمكەنت اكىمىنىڭ ورىنباسارى شۇعىل تۇردە وتا جاساتىپ, قازىرگى تاڭدا اۋىر جاراقاتتان كەيىن دارىگەرلەردىڭ باقىلاۋىندا قالىپ, ەمدەلىپ جاتىر.