جاڭالىقتار
رۋسلان جاقسىلىقوۆ قورعانىس ءمينيسترى لاۋازىمىنان بوساتىلدى: ونىڭ ورنىنا داۋرەن قوسانوۆ تاعايىندالدى
فوتو: اشىق دەرەككوز
پرەزيدەنت قاسىم-جومارت توقاەۆ توقاەۆ رۋسلان جاسقىلىقوۆتى قورعانىس ءمينيسترى لاۋازىمىنان بوساتتى, دەپ جازدى qandastar.kz
بۇل تۋرالى Stan.kzاقپارات اگەنتتىگى حابارلايدى.
“مەملەكەت باسشىسىنىڭ جارلىعىمەن رۋسلان فاتيح ۇلى جاقسىلىقوۆ قازاقستان رەسپۋبليكاسىنىڭ قورعانىس ءمينيسترى لاۋازىمىنان بوساتىلدى, – دەلىنگەن حابارلامادا.
جاقسىلىقوۆ بۇل لاۋازىمعا 2022 جىلدىڭ 19 قاڭتارىندا تاعايىندالعان. ونىڭ ورنىنا داۋرەن قوسانوۆ قورعانىس ءمينيسترى بولىپ تاعايىندالدى.
“مەملەكەت باسشىسىنىڭ جارلىعىمەن داۋرەن جۇماتاي ۇلى قوسانوۆ قازاقستان رەسپۋبليكاسىنىڭ قورعانىس ءمينيسترى بولىپ تاعايىندالدى, ول بۇرىنعى اتقارعان لاۋازىمىنان بوساتىلدى”, – دەپ مالىمدەدى اقوردانىڭ ءباسپاسوز قىزمەتى.
قوسانوۆ 1969 جىلى 14 قازاندا پاۆلودار وبلىسى, قازكسر, كراسنوكۋت اۋدانى, نوۆوترويتسكوە اۋىلىندا دۇنيەگە كەلگەن.
– ءۇشارال جاۋىنگەرلىك پولكىندەگى قىزمەت;
– تالدىقورعانداعى «سۋ-27» ەسكادريلياسىنىڭ كومانديرى;
– قاراعاندى اۆيابازاسى شتابىنىڭ باستىعى;
– شىمكەنت اۆيابازاسىنىڭ كومانديرى;
– قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرى اسكەري-اۋە كۇشتەرىنىڭ قولباسشىسى;
– اقتوبە قالاسىنداعى اۋە قورعانىسى كۇشتەرى اسكەري ينستيتۋتىنىڭ ديرەكتورى.
2022 جىلعى 29 جەلتوقساندا قازاقستان رەسپۋبليكاسى پرەزيدەنتىنىڭ بۇيرىعىمەن قازاقستان رەسپۋبليكاسى قارۋلى كۇشتەرىنىڭ اۋە قورعانىسى كۇشتەرىنىڭ باس قولباسشىسى لاۋازىمىنا تاعايىندالدى.
«اسكەري ۇشقىش مەرگەن». II دارەجەلى «داڭق» وردەنىمەن, «جاۋىنگەرلىك ەرىگى ءۇشىن» مەدالىمەن جانە مەرەيتويلىق مەدالدارمەن ماراپاتتالعان.
2024 جىلعى 28 قىركۇيەكتە مەملەكەت باسشىسىنىڭ وكىمى بويىنشا قازاقستان رەسپۋبليكاسى قورعانىس ءمينيسترىنىڭ ورىنباسارى – قارۋلى كۇشتەرى اۋە قورعانىسى كۇشتەرىنىڭ باس قولباسشىسى بولىپ تاعايىندالدى
