Jańalyqtar
Rýslan Jaqsylyqov qorǵanys mınıstri laýazymynan bosatyldy: Onyń ornyna Dáýren Qosanov taǵaıyndaldy
Foto: ashyq derekkóz
Prezıdent Qasym-Jomart Toqaev Toqaev Rýslan Jasqylyqovty qorǵanys mınıstri laýazymynan bosatty, dep jazdy qandastar.kz
Bul týraly Stan.kzaqparat agenttigi habarlaıdy.
“Memleket basshysynyń Jarlyǵymen Rýslan Fatıhuly Jaqsylyqov Qazaqstan Respýblıkasynyń Qorǵanys mınıstri laýazymynan bosatyldy, – delingen habarlamada.
Jaqsylyqov bul laýazymǵa 2022 jyldyń 19 qańtarynda taǵaıyndalǵan. Onyń ornyna Dáýren Qosanov qorǵanys mınıstri bolyp taǵaıyndaldy.
“Memleket basshysynyń Jarlyǵymen Dáýren Jumataıuly Qosanov Qazaqstan Respýblıkasynyń Qorǵanys mınıstri bolyp taǵaıyndaldy, ol burynǵy atqarǵan laýazymynan bosatyldy”, – dep málimdedi Aqordanyń baspasóz qyzmeti.
Qosanov 1969 jyly 14 qazanda Pavlodar oblysy, QazKSR, Krasnokýt aýdany, Novotroıkoe aýylynda dúnıege kelgen.
– Úsharal jaýyngerlik polkindegi qyzmet;
– Taldyqorǵandaǵy «Sý-27» eskadrılıasynyń komandıri;
– Qaraǵandy avıabazasy shtabynyń bastyǵy;
– Shymkent avıabazasynyń komandıri;
– Qazaqstan Respýblıkasy Qarýly Kúshteri Áýe qorǵanysy kúshteri Áskerı-áýe kúshteriniń qolbasshysy;
– Aqtóbe qalasyndaǵy Áýe qorǵanysy kúshteri Áskerı ınstıtýtynyń dırektory.
2022 jylǵy 29 jeltoqsanda Qazaqstan Respýblıkasy Prezıdentiniń buıryǵymen Qazaqstan Respýblıkasy Qarýly Kúshteriniń Áýe qorǵanysy kúshteriniń Bas qolbasshysy laýazymyna taǵaıyndaldy.
«Áskerı ushqysh mergen». II dárejeli «Dańq» ordenimen, «Jaýyngerlik erigi úshin» medalimen jáne mereıtoılyq medaldarmen marapattalǵan.
2024 jylǵy 28 qyrkúıekte Memleket basshysynyń ókimi boıynsha Qazaqstan Respýblıkasy qorǵanys mınıstriniń orynbasary – Qarýly Kúshteri Áýe qorǵanysy kúshteriniń bas qolbasshysy bolyp taǵaıyndaldy
