رۋسلان جەلدىباي تاعى ءبىر باسشىلىق قىزمەتكە تاعايىندالدى

قازاقستان پرەزيدەنتى قاسىم-جومارت توقاەۆتىڭ ءباسپاسوز حاتشىسى رۋسلان جەلدىباي تاعى ءبىر قىزمەتكە تاعايىندالدى, دەپ حابارلايدى Qandastar.kz رۋسلان جەلدىبايدىڭ الەۋمەتتىك جەلىدەگى پاراقشاسىنا سىلتەمە جاساپ.

بۇدان بىلاي ول حالىقارالىق دزيۋدو فەدەراتسياسىنىڭ (IJF) جاڭا تەحنولوگيالار جانە تيىمدىلىكتى ارتتىرۋ بويىنشا كوميسسياسىنىڭ ديرەكتورى لاۋازىمىن قوسا اتقارادى.

بۇل تۋرالى رۋسلان جەلدىباي ءوزىنىڭ Facebook پاراقشاسىندا جازعان. ايتۋىنشا, بۇل – قوعامدىق قىزمەت.

«دزيۋدونى ەلىمىزدە دامىتۋ باعىتىندا ءبىراز جۇمىس اتقارىلىپ جاتىر. ءالى دە ماسەلە جەتەرلىك. دزيۋدونى كەڭىنەن دامىتۋ ءۇشىن ارنايى اكادەميا, ال ايماقتاردا ورتالىقتار قاجەت بولىپ تۇر. حالىقارالىق ىنتىماقتاستىقتى دا ارتتىرامىز. وسى ىسكە بارىنشا ءوز ۇلەسىمدى قوسامىن», — دەپ جازدى ول الەۋمەتتىك جەلىدە.

ەسكە سالايىق, قازاقستانداعى دزيۋدو فەدەراتسياسىن قۋانىشبەك ەسەكەەۆ باسقارادى. ول – قازاقستان پرەزيدەنتىنىڭ كەڭەسشىسى.