«رۋسسكوە راديو» ۇجىمى ۇلتتى مازاق ەتكەندەرى ءۇشىن كەشىرىم سۇرادى

“»رۋسسكيە پەرتسى» تاڭەرتەڭگىلىك شوۋىنىڭ ەفيرىندە ايتىلعان ءازىل ءبىزدىڭ تىڭداۋشىلارىمىزدىڭ, اتاپ ايتقاندا قازاقستان تۇرعىندارىنىڭ نامىسىنا تيگەنى بىزگە بەلگىلى بولدى. انتون يۋرەۆ, پولينا جۋكوۆا جانە ديما موروزوۆ ءسىزدىڭ سەزىمدەرىڭىزدى قورلاعانى ءۇشىن شىن جۇرەكتەن كەشىرىم سۇرايدى!,”- دەپ جازدى جەلىدەگى پاراقشاسىندا.

سونداي-اق مۇنداي جاعداي ەشقاشان قايتالانباۋى ءۇشىن بارلىق كۇش-جىگەرىمىزدى سالامىز دەپ اقتالدى.

بۇعان دەيىن  «رۋسسكوە راديو» جۇرگىزۋشىلەرى قازاقتاردىڭ كوز ءپىشىنىن مازاق ەتتى. ولار تىڭداۋشىلارى جىبەرگەن «ازىلگە» تۇسىنىكتەمە بەردى.

تاتيانا موروز بىزگە حات جازدى. ول بالالىق شاعىندا كوزدى كەسۋ, ەرىندى كەسۋ تۋرالى ەستىگەندە, بارلىق نارەستە كوزسىز جانە اۋىزسىز تۋادى, ال دارىگەرلەر كەسۋگە ءماجبۇر بولادى دەپ ويلادى. ونىڭ ەڭ باستى سۇراعى — قازاقتارعا نەگە سونشالىقتى تار ەتىپ جاسايدى? — دەدى راديو جۇرگىزۋشىسى.

ول تاتيانا موروزدىڭ قازاقستاندا تۋعانىن ايتتى. جانە ول ءارى قاراي ازىلدەۋگە مۇمكىندىك بەردى.