جاڭالىقتار
رىباكينا اقش اشىق چەمپيوناتىندا ماتچقا قاتىسۋدان باس تارتتى
فوتو: قازاقستان تەننيس فەدەراتسياسى
قازاقستاندىق تەننيسشى ەلەنا رىباكينا اقش اشىق چەمپيوناتىنىڭ ەكىنشى اينالىمىندا ماتچقا قاتىسۋدان باس تارتتى. سپورتشى مۇنداي شەشىمدى جاراقاتىنا بايلانىستى قابىلداعان.
ول فرانتسيالىق دجەسسيكا پونشەمەن الاڭعا شىعۋى قاجەت ەدى.
بيىلعى سوڭعى «ۇلكەن دۋلىعا» ءتۋرنيرىن بۇلاي اياقتاعىم كەلمەگەن. بىراق ءوز دەنەمنىڭ سىرىن بىلەمىن. جىلدىڭ قالعان بولىگىن مىقتى بولىپ وتكىزەمىن دەپ ۇمىتتەنەمىن. مەنى قولداعان جانە قولداپ كەلە جاتقان جانكۇيەرلەردىڭ بارىنە العىسىمدى ايتامىن. قالعان تەننيسشىلەرگە تابىس تىلەيمىن, – دەدى رىباكينا.
ال تەننيسشى يۋليا پۋتينتسەۆا چەمپيوناتتىڭ ءۇشىنشى اينالىمىنا جولداما الدى.
قازاقستاندىق تەننيسشى ەكىنشى اينالىمدا الەمنىڭ 40-راكەتكاسى, قىتايلىق سينيۋي ۆانمەن كورتقا شىقتى. وسىعان دەيىن قارسىلاستار ءوزارا ءۇش رەت كەزدەسىپ, بارىندە قىتايلىق سپورتشى جەڭگەن.
