رىباكينا وكىنەتىنىن ايتىپ, مالىمدەمە جاسادى

ۆيدەو: https://web.telegram.org/a/#-1001172813793

فوتو: bigsport.kz.

رىباكينا سوڭعى جاعدايلارعا بايلانىستى مالىمدەمە جاسادى, – دەپ حابارلايدى qandastar.kz

«قۇرمەتتى جانكۇيەرلەر, وتانداستارىم!

سىزدەرگە پاريجدەگى وليمپيادا ويىندارىندا قازاقستان قۇراماسى ساپىندا ونەر كورسەتە الماعانىما ءوزىمنىڭ قانشالىقتى رەنجىگەنىمدى جانە وكىنەتىنىمدى ايتىپ حابارلايمىن.

مەن كوماندامەن بىرگە بەلسەندى دايىندالدىپ, وكىنىشكە وراي, ءدال جارىس باستالار الدىندا سىرقاپ قالدىم. دەنە قىزۋىم قاتتى كوتەرىلىپ, تىنىس الۋىم دا قيىن بولدى, دارىگەرلەر ماعان كورتقا شىعۋعا قاتاڭ تىيىم سالدى.

بارلىق قازاقستاندىق جانكۇيەرلەردەن اقتالماعان ۇمىتتەرىڭىز ءۇشىن كەشىرىم سۇراعىم كەلەدى. بۇل جاعداي جۇرەگىمە وتە قاتتى ءتيدى, ويتكەنى مەن ءوز كومانداممەن وسى وليمپيادا ويىندارىندا جاقسى ناتيجەگە قول جەتكىزۋ ءۇشىن كوپ جۇمىس جاساعانمىن جانە مەدال جەڭگىم كەلدى.

توكيودا وتكەن وليمپيادادا مەن مەدال الۋعا وتە جاقىن بولدىم جانە مەدال الۋ مەنىڭ ۇلكەن ماقساتىم بولىپ قالا بەردى. مەن جاقىن ارادا كورتقا شىعا الامىن دەپ ۇمىتتەنەمىن.

بارلىق وتانداستارىما العىسىمدى جەتكىزگىم كەلەدى, ويتكەنى الەمنىڭ قاي تۇكپىرىندە ويناسام دا سىزدەر ماعان ارقاشان ايتارلىقتاي قولداۋ كورسەتەسىزدەر. ستاديونداردا كوك بايراعىمىزدى كورىپ ارقاشان قۋانامىن.

كوپ راحمەت جانە كورتقا جاقىن ارادا ورالامىن دەپ ۇمىتتەنەمىن», – دەدى ول بەينەجازبادا.