Rybakına ókinetinin aıtyp, málimdeme jasady

Vıdeo: https://web.telegram.org/a/#-1001172813793

Foto: bigsport.kz.

Rybakına sońǵy jaǵdaılarǵa baılanysty málimdeme jasady, – dep habarlaıdy qandastar.kz

«Qurmetti jankúıerler, Otandastarym!

Sizderge Parıjdegi Olımpıada oıyndarynda Qazaqstan quramasy sapynda óner kórsete almaǵanyma ózimniń qanshalyqty renjigenimdi jáne ókinetinimdi aıtyp habarlaımyn.

Men komandamen birge belsendi daıyndaldyp, ókinishke oraı, dál jarys bastalar aldynda syrqap qaldym. Dene qyzýym qatty kóterilip, tynys alýym da qıyn boldy, dárigerler maǵan kortqa shyǵýǵa qatań tyıym saldy.

Barlyq qazaqstandyq jankúıerlerden aqtalmaǵan úmitterińiz úshin keshirim suraǵym keledi. Bul jaǵdaı júregime óte qatty tıdi, óıtkeni men óz komandammen osy Olımpıada oıyndarynda jaqsy nátıjege qol jetkizý úshin kóp jumys jasaǵanmyn jáne medal jeńgim keldi.

Tokıoda ótken Olımpıadada men medal alýǵa óte jaqyn boldym jáne medal alý meniń úlken maqsatym bolyp qala berdi. Men jaqyn arada kortqa shyǵa alamyn dep úmittenemin.

Barlyq otandastaryma alǵysymdy jetkizgim keledi, óıtkeni álemniń qaı túkpirinde oınasam da sizder maǵan árqashan aıtarlyqtaı qoldaý kórsetesizder. Stadıondarda kók baıraǵymyzdy kórip árqashan qýanamyn.

Kóp rahmet jáne kortqa jaqyn arada oralamyn dep úmittenemin», – dedi ol beınejazbada.