رىباكينانىڭ ىزىمەن: يۋليا پۋتينتسەۆا دا دەنساۋلىعىنا بايلانىستى وليمپيادا ويىندارىنا قاتىسپايتىن بولدى

فوتو: اشىق دەرەككوز

قازاقستان تەننيس فەدەراتسياسى ەكىنشى قازاقستاندىق تەننيسشى يۋليا پۋتينتسەۆانىڭ وليمپيادا جارىسىنان شىڭىپ قالعانىن مالىمدەدى. بۇل تۋرالىStan.kz اقپارات اگەنتتىگى حابارلايدى.

ول دەنساۋلىعىنا بايلانىستى ماتچتان باس تارتقان.

«پۋتينتسەۆا پاريجگە ۇشىپ, ويىنعا دايىندىقتى بەلسەندى باستادى. وكىنىشكە وراي, ۋكرايندىق مارتا كوستيۋكقا قارسى ءبىرىنشى ويىن الدىنداعى دايىندىق كەزىندە قازاقستاندىق ويىنشى تىزەسىنىڭ قاتتى اۋىرعانىن سەزدى. قىسقا مەديتسينالىق تەكسەرۋدەن كەيىن ماتچتان باس تارتۋ تۋرالى شەشىم قابىلداندى», – دەلىنگەن حابارلامادا.

ۋيمبلدوندا الەمنىڭ ءبىرىنشى راكەتكاسى يگا شۆيتەكپەن جەڭىسكە جەتكەن كەزدەسۋدەن كەيىن يۋليانىڭ تىزەسى اۋىرعانى بەلگىلى بولدى. ول وڭالتۋدان ءوتىپ, پاريجگە دايىندىقتى جالعاستىرعان.

«پاريجدەگى وليمپيادانىڭ باستالۋى ءبىز ءۇشىن سىناق بولدى. كۇنى كەشە ەلەنا رىباكينا سىرقاتىنا بايلانىستى جارىستان شىعىپ قالسا, بۇگىن ءبىزدىڭ كوماندا جاراقاتىنا بايلانىستى يۋليا پۋتينتسەۆادان ايىرىلدى. ءبىز ەكى سپورتشىنىڭ دا ونەرىنە ۇلكەن ءۇمىت ارتتىق جانە وسىلاي بولعانىنا قاتتى وكىنەمىز. ەلەنا دا, يۋليا دا وليمپيادادا ويناي الماعاندارىنا قىنجىلادى. ءبىز جانكۇيەرلەرگە ءوتىنىش ءبىلدىرىپ, وسىنداي قيىن كەزەڭدە بارلىق ويىنشىلارىمىزعا قولداۋ كورسەتۋلەرىن سۇرايمىز. قيىندىققا قاراماستان, ەلىمىزدىڭ تۋى استىندا العا ۇمتىلىپ, جاڭا جەڭىستەرگە ۇمتىلامىز», – دەدى قازاقستان تەننيس فەدەراتسياسىنىڭ ۆيتسە-پرەزيدەنتى دياس دوسقاراەۆ.