جاڭالىقتار
«ءسابيدى تەۋىپ, جانساقتاۋ بولىمىنە تۇسىرگەن»: شىمكەنتتە ەر ادام ايەلى مەن ءۇش ايلىق قىزىن اياۋسىز ۇرىپ-سوققان
فوتو: اشىق دەرەككوز
وقيعا تۋرالى الەۋمەتتىك جەلىدە زاڭگەر, ۇلتتىق قوعامدىق سەنىم كەڭەسىنىڭ مۇشەسى ايگۇل ورىنبەك حابارلادى.
شىمكەنتتە تۇرعىن ايەلى مەن ءۇش ايلىق قىزىن اياۋسىز ۇرىپ-سوققان. ول ءسابيدى تەۋىپ, جانساقتاۋ بولىمىنە تۇسىرگەن, دەپ حابارلايدى Skifnews.kzاقپاراتتىق پورتالى.
وقيعا تۋرالى جەلىلەردە زاڭگەر, ۇلتتىق قوعامدىق سەنىم كەڭەسىنىڭ مۇشەسى ايگۇل ورىنبەك مالىمدەدى. ايتۋىنشا ول زارداپ شەككەن ايەلدى اۋرۋحاناعا جاتقىزۋعا كومەكتەسكەن.
قۇقىق قورعاۋشىنىڭ ايتۋىنشا, جانجال كەزىندە 53 جاستاعى ەر ادام جۇبايىن ۇرىپ-سوعىپ, ونى پىشاقپەن قورقىتقان. كەيىن ءۇش ايلىق قىزىن تەپكەن. ءسابي اۋرۋحاناعا جانساقتاۋ بولىمىنە تۇسكەن. دەرەكتەرگە سۇيەنسەك ونىڭ ميىنا قان كەتكەن.
شىمكەنت پوليتسيا دەپارتامەنتىنىڭ ءباسپاسوز قىزمەتى بولعان وقيعانى راستادى. قازىر جاعدايعا بايلانىستى قىلمىستىق ءىس قوزعالعان.
«اتالعان فاكتى بويىنشا قىلمىستىق ءىس قوزعالدى. كۇدىكتى قاماۋعا الىندى. سوت-مەديتسينالىق ساراپتاما تاعايىندالدى. تەرگەۋ شارالارى جۇرگىزىلۋدە», – دەدى ۆەدومستۆو.
