Sábıine Qunanbaı men Abaı esimin qoıǵandarǵa 180-300 myń teńgeden beriledi

Foto: pexel

Mundaı bastamany kásipker Dýlat Tastekeı men jýrnalıst Nurseıit Jylqyshybaı kóterip otyr, dep habarlaıdy qandastar.kz

Jýrnalıst Nurseıit Jylqyshybaı jazýynsha, kásipker Dýlat Tastekeı Uly Abaıdyń 180 jyldyǵyna baılanysty osyndaı bastama kótergen. 2025 jyldyń 10 tamyz kúni dúnıe esigin ashqan barlyq Abaılarǵa 180 myń teńgeden bermek.

«Asyltas qorynyń bul bastamasyn men de óz shama-sharqymsha qoldaımyn. Biraq… Qazaqta Abaı degen at az emes. Al Qunanbaı she? Alda bir jazǵanymdaı Qunanbaı, Dónentaı, Tursyn syndy qazir qazaqy attar qoıylmaı ketti. Esesine arabsha attar qaptady. Bul bir. Ekinshiden Abaıdyń Abaı bolýyna yqpal etken ákesi. Emendeı berik, báıterekteı zor Qunanbaı! Qaradan shyǵyp han bolǵan. Ádildikti qaq jarǵan sheshen ári balýan bolǵan tulǵa!», – deıdi ol.

 Skifnews.kz jazǵandaı,  Jýrnalıst ulynyń atyn Qunanbaı dep qoıǵan on adamǵa «Alaman» kompanııasynyń atynan 3 mln teńge bólmek.

«Iaǵnı balańyzdyń atyn Qunanbaı dep qoısańyz 300 myń teńgeni birden shotyńyzǵa aýdaryp jiberem. Ol úshin myna nómirdiń vaabyna 8-707-179-79-42 dáleldeıtin týý týraly kýálikti jiberseńiz bolǵany. Bul shara 1 naýryzdan bastalady. Oǵan deıin barynsha repost jasap qoldap jiberseńizder! Ata-ana atanǵaly otyrǵan jandarǵa habarymyz jetse eken deımiz. Árıne keıin bul sharanyń esebin ózderińizge beremin. On sábı Qunanbaıdy ózderińizge tanystyramyn. Sizder aq tilekterińizdi aıtasyzdar!», – deıdi ol.