Sabına Altynbekova zorlyq-zombylyq jaıly jazba jarııalady

Foto:Instagram.com / altynbekova_20

Sportshy Sabına Altynbekova áleýmettik jelide zorlyq-zombylyqqa qatysty jazba jarııalady,  dep jazdy qandastar.kz

Voleıbolshy qyz tárbıelep otyrǵan ata-analarǵa keńes berdi.

«Qyzdaryńyzǵa «joq» dep aıtýdy úıretińiz. Qajet bolsa, qyzdaryńyz daýys kótere de bilsin. Qyzdaryńyzǵa ádiletsizdikke qarsy turýdy úıretińiz. Qaýipsizdikti sypaıylyqtan joǵary qoıýdy úıretińiz. «Kómektesińiz» deýdiń ornyna «órt» dep aıqaılaýdy úıretińiz. Qyzdaryńyzǵa óz denesinde ózin jaıly sezinýdi úıretińiz. Uıatsyz ómir súrýdi úıretińiz. Soqqyny birinshi bolyp jasaýdy úıretińiz. Jaýap retinde tistep alýdy úıretińiz. Laıyq qarym-qatynas kórsetilmese, álemdi kúlge aınaldyrýdy úıretińiz. Qyzdaryńyzǵa ózine qııanat jasaǵandardy áshkereleýdi úıretińiz. О́te baısaldy, sóıte tura qaýipti bolýdy úıretińiz. О́zine senimdi bolýdy úıretińiz. Ne qalaıtynyn túsinýdi úıretińiz. Qyzdaryńyzǵa óz kózqarasyn qorǵaýdy úıretińiz. Batyl bolýdy úıretińiz. Erjúrek bolýdy úıretińiz. Qyzdaryńyzǵa jaqsylyqqa senýdi úıretińiz. Sonan soń olar osyǵan laıyq ekenin aıtyńyz. Qyz balanyń taǵdyry aýyrtpalyqpen astarlas bolýy mindet emes», – dep jazdy voleıbolshy.

Sportshy jaqynda kúıeýimen ajyrasqanyn aıtqan bolatyn.