Sadraddın «Daryn» jastar syılyǵyn aldy

Foto: sn.kz

Astanada «Táýelsizdik urpaqtary» granttar konkýrsy men «Daryn» jastar syılyǵynyń jeńimpazdary anyqtaldy. Bul týraly Mádenıet jáne aqparat mınıstrliginiń baspasóz qyzmeti málim etti, dep jazdy qandastar.kz

Búgin Astanada Memleket basshysynyń tapsyrmasymen qurylǵan «Táýelsizdik urpaqtary» granttar konkýrsynyń jeńimpazdary men memlekettik «Daryn» jastar syılyǵynyń laýreattaryn marapattaý rásimi ótti.

Bıylǵy «Daryn» syılyǵynyń jeńimpazdary qatarynda túrli baıqaýlar men festıvalderdiń laýreattary, sporttyq jarystardyń jeńimpazdary, qoǵam qaıratkerleri men belsendiler bar.

Kásibı qazylar alqasy laýreattardy «Ádebıet», «Ǵylym», «Dızaın jáne beıneleý óneri», «Jýrnalıstıka», «Klassıkalyq mýzyka», «Kreatıvti bastamalar», «Sport», «Teatr jáne kıno», «Estrada» jáne «Halyq shyǵarmashylyǵy» nomınaııalary boıynsha tańdady.

Marapattaý kezinde QR Mádenıet jáne aqparat mınıstri Aıda Balaeva elde ortaq prınıpter men maqsattardy ustanatyn progressıvti ári daryndy býynnyń ósip kele jatqanyn atap ótti.

– Sizder – halyqtyń úmiti men tiregisizder. El Prezıdenti jastar úshin úsh basty baǵdardy únemi aıtyp keledi – bul bilimge umtylý, eńbekqorlyq jáne patrıotızm. Bul – myqty ári tabysty ulttyń negizi bolatyn úsh tuǵyr. Demek, ulttyń bolashaǵyn sizder aıqyndaısyzdar. Sondyqtan Memleket basshysy sizderge úlken úmit artady. Memleket óz tarapynan jastardy jan-jaqty qoldaýdy jalǵastyrady, – dedi mınıstr.

«Táýelsizdik urpaqtary» grantynyń ıegerleri retinde úzdik jobalardy usynǵan 30 jas qazaqstandyq tańdaldy. Bul jobalar mádenıet, ǵylym, medıa, aqparattyq tehnologııalar, bıznes salalaryn qamtıdy. Bıyl baıqaýǵa jańa «Volonterlik» dep atalatyn baǵyt qosyldy.

– Bul grant Memleket basshysy Qasym-Jomart Toqaevtyń tapsyrmasymen quryldy. Sondyqtan búgingi marapattaryńyz – úlken jaýapkershilik. El Prezıdentiniń senimin aqtaıtyndaryńyzǵa shyn júrekten senemin. Árdaıym bıikterden kórinińizder!, – dedi Aıda Balaeva.

О́z sózinde mınıstr jastarǵa egemendik pen eldikti nyǵaıtýdaǵy negizgi qundylyqtar týraly aıtty.

– Prezıdentimiz bıylǵy Ulttyq quryltaıda elimiz úshin mańyzdy birneshe qundylyqty atap ótken edi. Ol qundylyqtar – Táýelsizdik jáne otanshyldyq, Birlik pen yntymaq, Ádildik jáne jaýapkershilik, Zań men tártip, Eńbekqorlyq jáne kásibı biliktilik, Jasampazdyq pen jańashyldyq. Memleket basshysy belgilep bergen naqty qundylyqtardy ustaný – jastardyń damýyna, qoǵamdyq sananyń ózgerýine oń yqpal eteri anyq, – dedi mınıstr.

Aıta keteıik, «Táýelsizdik urpaqtary» konkýrsynyń ár jeńimpazyna 3 mln teńge kóleminde júlde berildi. Bıyl konkýrsqa 1284 ótinim túsip, onyń 897-si qabyldandy.

Memlekettik «Daryn» jastar syılyǵynyń 20 jeńimpazyna «Daryn» memlekettik jastar syılyǵynyń laýreaty» ataǵy berilip, estelik statýetkalar men aqshalaı syılyqtar tabystaldy.