ساحنادان كورىنبەي كەتكەن ستامعازيەۆا مالىمدەمە جاسادى

فوتو: سكرين 

ءانشى ساندۋعاش ستامعازيەۆا ساحنادان كورىنبەي كەتكەن سەبەبىن ايتتى. بۇل تۋرالى ول “استارلى اقيقات” باعدارلاماسىندا باياندادى, دەپ حابارلايدى qandastar.kz

“قازىر ايتسام, ەل كۇلەدى. مەن ول كەزدە التىنبەك قورازباەۆتى دا, مەيرامبەك بەسپاەۆتى دا تانىمايمىن. التىنبەكتىڭ ۇلتى ورىس ەكەن دەپ ويلادىم. بۇگىندە مەيرامبەكپەن قويان-قولتىق ارالاسامىز دەپ ايتا المايمىن. جەكە انشىلىگى مەن “مۋزارت” توبى بار. التىنبەك – ەكى قىزىمنىڭ اكەسى. “قوشتاسۋدىڭ قيىنى-اي” ءانىن مەيرامبەكتەن كەيىن ەشكىممەن ورىندامادىم. ءومىرىم 180 گرادۋسقا وزگەرەدى دەپ ويلاعان جوقپىن. بىراق دۇنيەگە بالا الىپ كەلگەننەن كەيىن بالاعا جاقسى تاربيە بەرۋ كەرەك, ۇيدە وتىرۋ كەرەك. ەكى قىز بالا مەندە, ۇل بالا بولسا ءبىر ءجون. قىز بالاعا جاقسىلاپ قاراۋ كەرەك. قىزدارىم ءجيى اۋىراتىن, سوسىن ۇيدە وتىرۋعا تۋرا كەلدى», – دەدى ءانشى.

ەكى قىزىنىڭ دا بوي جەتىپ, انشىلىك قادامعا بەت بۇرعانىن جاسىرمادى.

“ول كەزدە مەيرامبەك ەكەۋىمىزدى تويعا ءجيى شاقىراتىن. ءتىپتى, كوپ تويعا بارماي قالعان كەزىمىز دە بولعان. سول تويدىڭ ارقاسىندا جاعدايىمىز دۇرىستالدى. حالىقتىڭ ارقاسىندا جاعدايىمىزدى جاساپ الدىق. ەكى جىلدا ءۇي الدىم. الماتىنىڭ ءوزىم جاقسى كورەتىن اۋدانىنان باسپانالى بولدىم. ءوسىپ-ءونىپ جاتىرمىز. قىزدارىم دا ونەرگە جاقىن. ەكەۋىنىڭ دە داۋىستارى كەرەمەت. قانىندا بار دۇنيە بولعاسىن, جارىققا شىعارىپ ءجۇر”, – دەدى ونەر وكىلى.