Sahnadan kórinbeı ketken Stamǵazıeva málimdeme jasady

Foto: skrın 

Ánshi Sandýǵash Stamǵazıeva sahnadan kórinbeı ketken sebebin aıtty. Bul týraly ol “Astarly aqıqat” baǵdarlamasynda baıandady, dep habarlaıdy qandastar.kz

“Qazir aıtsam, el kúledi. Men ol kezde Altynbek Qorazbaevty da, Meırambek Bespaevty da tanymaımyn. Altynbektiń ulty orys eken dep oıladym. Búginde Meırambekpen qoıan-qoltyq aralasamyz dep aıta almaımyn. Jeke ánshiligi men “Mýzart” toby bar. Altynbek – eki qyzymnyń ákesi. “Qoshtasýdyń qıyny-aı” ánin Meırambekten keıin eshkimmen oryndamadym. О́mirim 180 gradýsqa ózgeredi dep oılaǵan joqpyn. Biraq dúnıege bala alyp kelgennen keıin balaǵa jaqsy tárbıe berý kerek, úıde otyrý kerek. Eki qyz bala mende, ul bala bolsa bir jón. Qyz balaǵa jaqsylap qaraý kerek. Qyzdarym jıi aýyratyn, sosyn úıde otyrýǵa týra keldi», – dedi ánshi.

Eki qyzynyń da boı jetip, ánshilik qadamǵa bet burǵanyn jasyrmady.

“Ol kezde Meırambek ekeýimizdi toıǵa jıi shaqyratyn. Tipti, kóp toıǵa barmaı qalǵan kezimiz de bolǵan. Sol toıdyń arqasynda jaǵdaıymyz durystaldy. Halyqtyń arqasynda jaǵdaıymyzdy jasap aldyq. Eki jylda úı aldym. Almatynyń ózim jaqsy kóretin aýdanynan baspanaly boldym. О́sip-ónip jatyrmyz. Qyzdarym da ónerge jaqyn. Ekeýiniń de daýystary keremet. Qanynda bar dúnıe bolǵasyn, jaryqqa shyǵaryp júr”, – dedi óner ókili.