«Sahnaǵa qoımen shyǵarsa, birge mańyrap tura beredi»: Aqbota Kerimbekova án aıtqan Murat Ábdildany synady

Foto: Jeke paraqshalardan alyndy 

Tanymal ánshi Aqbota Kerimbekova úlken mádenı orynda án salǵan áýesqoı ánshi, bloger Murat Ádildany synady. Bul týraly qandastar.kz Stan.kz aqparat agenttigine silteme jasap habarlaıdy.

О́ner ıesi Respýblıka kúnine oraı ótken konertte Murat Ábildanyń án aıtýy soraqylyqqa jatady dep esepteıdi.

“Birneshe kún buryn áleýmettik jelide Murat Ábilda degen adamnyń Respýblıka saraıynda án salyp turǵan vıdeosy tarady. Oılańyzshy, Respýblıka saraıynda. Elimizdiń tarıhı-mádenı mańyzdy nysanynda! Qazaqtyń myńdaǵan talanty sol sahnaǵa shyǵýdy armandaǵan, myńdaǵan daryndy qazaq sol sahnaǵa shyǵa almaı, armanda ketti. Ol jigit eldiń azy men tozy emes shyǵar, onyń adamı keskin-kelbetine tilimdi tıgize almaımyn. Bir jaǵynan qaraǵanda onyń Respýblıka saraıynda án salǵany qylmys ta emes shyǵar. Meniń aıtarym basqa”, – dep bastady áńgimesin ánshi.

Ánshiniń sózinshe, jeli arqyly tanylǵan bloger-ánshiniń mádenı orynda tóbe kórsetýi ábestik kórinegen.

“Respýblıka saraıynyń sahnasy Roza Baǵlanova sekildi ańyz adamnyń mańdaı terimen salynǵan. Ol sahnaǵa shyǵý úshin bizden myń ese laıyq ári talanttyraq adamdar taǵdyryn arnady ǵoı, bizdiń ózimiz mýzyka mektebinde oqyp, óner akademııasynda kásibı daǵdymyzdy qalyptastyryp, 30 jylǵa jýyq tynymsyz eńbek etip kele jatsaq ta, tizemiz dirildep, zorǵa shyǵamyz. Endi sol ulttyq minberge shyqqysy kelgenniń bári shyǵa bere me?! Osy sheneýnikter ózderine kelgende quqyq talap etkish, ar saqtaǵysh, dál solaı nege memlekettiń bas sahnasyn saqtamaıdy?! Áriptesterimiz de únsiz otyr. Sahnaǵa qoımen shyǵarsa, mańyrap tura beretindeı. Arlanbaıdy. Mádenıet salasynyń ary da, namysy da – sahna. Sahnaǵa shyǵarǵan adamyna, sahnada kórsetken dúnıesine qarap salanyń deńgeıin kórýge bolady”, – dep renjidi óner ıesi.

Eske salaıyq, Aqbota Kerimbekova Nurbolat Abdýllın men Qaırat Nurtasty salystyrǵanyn jazǵan edik.