جاڭالىقتار
سايرام – وگەم ۇلتتىق پاركىندە 26 جاستاعى جۇكتى كەلىنشەك كوز جۇمدى
2024 جىلعى 29 ماۋسىمدا تۇركىستان وبلىسىندا, «سايرام-وگەم» ۇلتتىق پاركىنىڭ اۋماعىندا, وزەنگە باتىپ كەتكەن 26 جاستاعى جۇكتى كەلىنشەك كوز جۇمدى, دەپ حابارلايدى Qandastar.kz سايتى turkystan.kz-كە سىلتەمە جاساپ.
ول وتباسىمەن بىرگە دەمالۋ ءۇشىن قاسقاسۋ اۋىلىنا كەلگەن, الايدا بەلگىسىز جاعدايدا سۋعا قۇلاپ كەتكەن.
ىزدەۋ جۇمىستارى ءبىر تاۋلىككە سوزىلدى. مارقۇمنىڭ دەنەسىن 30 ماۋسىم كەشكە ورمان شارۋاشىلىعى قىزمەتكەرلەرى تۋىستارىمەن بىرگە تاپتى.
ىزدەۋ جۇمىستارىنا تجد قۇتقارۋشىلارى مەن ەحولوتپەن جابدىقتالعان تەحنيكا جۇمىلدىرىلدى.
قايعىلى وقيعانىڭ ءمان-جايى انىقتالۋدا.
