ساكەن مايعازيەۆ اۋىزىنا تۇكىرگەن وقۋشى گارۆارد ۋنيۆەرسيتەتىنە گرانتقا ءتۇستى

ءانشى جەتىسۋلىق سەزىم ەرتاڭاتوۆ ەسىمدى بوزبالانىڭ 2 جاسىندا اۋىزىنا تۇكىرىپ, باتاسىن بەرگەنىن جانە سول تىلەگى قابىل بولعانىن ايتتى, دەپ turkystan.kz.

«ەكى كۇن بۇرىن ورتالىق كلينيكالىق اۋرۋحانا دالىزىندە (سوۆمين) جۇزىنەن نۇر توگىلگەن كەلىنشەك پەن ونىڭ قاسىنداعى 16 جاستار شاماسىنداعى قىزىمەن جىلى ۇشىراپ امانداستىق. شىرامىتقانىممەن جىعا تانىمادىم. سويتسەم, 19 جىل بۇرىن, ياعني 2005 جىلى جەر ءجانناتى جەتىسۋدا بۇل كىسىلەردىڭ قارا شاڭىراعىندا قوناقتا بولىپپىز. سول ءۇيدىڭ كوز قۋانىشى, ەركەسى وسى سۋرەتتەگى سەزىم ەسىمدى بالانى (شامامەن 2-3 جاستا بولسا كەرەك) اتا-اناسى مەنىڭ قولىما ۇسىنىپ, اۋزىنا تۇكىرۋىمدى ءوتىنىپتى. اللانىڭ قالاپ, اۋزىما سالىپ تۇرعانى عوي, كىشكەنتاي سەزىم ۇلىمىزعا اق جول, جارقىن بولاشاق تىلەپ: «سەن ءانشى بولماي-اق قوي, سەن اسقان ءبىلىم مەن عىلىمنىڭ يەسى بول», – دەپ باتا بەرگەن ەكەنمىن.

30 جاسىمدا نە دەگەن باتا دەسەڭشى). سودان نە كەرەك, تالدىقورعان قالاسىنداعى نازارباەۆ زياتكەرلىك مەكتەبىن تامامداعان سەزىم ەرتاڭاتوۆ (سۋرەتتەگى) الەم بويىنشا 55 000 ۇمىتكەردىڭ ىشىنەن توپ جارىپ, 2021 جىلى گارۆارد ۋنيۆەرسيتەتىنىڭ وقۋ گرانتىنا يە بولىپتى. «سەزىم گارۆارد», دەپ «گۋگلداتا» قويىپ ەدىم, سەزىم ەرتاڭاتوۆ تۋرالى اقپارات اتىپ شىقتى. ايتقىم كەلگەنى, ءبىر بىرىمىزگە جاقسىلىق تىلەپ, جاقسى سويلەپ, جاقسى ويلاپ, قولداپ, دەمەپ جۇرەيىكشى. جاقسى ءسوز – جارىم ىرىس», – دەپ جازدى ءانشى.