Sáken Maıǵazıev aýyzyna túkirgen oqýshy Garvard ýnıversıtetine grantqa tústi

Ánshi jetisýlyq Sezim Ertańatov esimdi bozbalanyń 2 jasynda aýyzyna túkirip, batasyn bergenin jáne sol tilegi qabyl bolǵanyn aıtty, dep turkystan.kz.

«Eki kún buryn ortalyq klınıkalyq aýrýhana dálizinde (SovMın) júzinen nur tógilgen kelinshek pen onyń qasyndaǵy 16 jastar shamasyndaǵy qyzymen jyly ushyrap amandastyq. Shyramytqanymmen jyǵa tanymadym. Sóıtsem, 19 jyl buryn, ıaǵnı 2005 jyly jer jánnaty Jetisýda bul kisilerdiń qara shańyraǵynda qonaqta bolyppyz. Sol úıdiń kóz qýanyshy, erkesi osy sýrettegi Sezim esimdi balany (shamamen 2-3 jasta bolsa kerek) ata-anasy meniń qolyma usynyp, aýzyna túkirýimdi ótinipti. Allanyń qalap, aýzyma salyp turǵany ǵoı, kishkentaı Sezim ulymyzǵa aq jol, jarqyn bolashaq tilep: «Sen ánshi bolmaı-aq qoı, sen asqan bilim men ǵylymnyń ıesi bol», – dep bata bergen ekenmin.

30 jasymda ne degen bata deseńshi). Sodan ne kerek, Taldyqorǵan qalasyndaǵy Nazarbaev zııatkerlik mektebin támamdaǵan Sezim Ertańatov (sýrettegi) álem boıynsha 55 000 úmitkerdiń ishinen top jaryp, 2021 jyly Garvard ýnıversıtetiniń oqý grantyna ıe bolypty. «Sezim Garvard», dep «gýgldata» qoıyp edim, Sezim Ertańatov týraly aqparat atyp shyqty. Aıtqym kelgeni, bir birimizge jaqsylyq tilep, jaqsy sóılep, jaqsy oılap, qoldap, demep júreıikshi. Jaqsy sóz – jarym yrys», – dep jazdy ánshi.