«سالوندا 50 ادام بولعان»: قازاقستاننان موڭعولياعا باعىت العان اۆتوبۋس ورتەنىپ كەتتى

فوتو: رەسەي تجم

استانادان موڭعوليانىڭ بايان-ولگەيگە قالاسىنا باعىت العان رەيستىك اۆتوبۋس 20 شىلدەدە رەسەيدەگى تاس جولدا تۇگى قالماي ورتەندى. بۇل تۋرالى Stan.kz اقپارات اگەنتتىگى حابارلايدى.

رەسەيدىڭ التاي رەسپۋبليكاسى بويىنشا توتەنشە جاعدايلار مينيسترلىگىنىڭ مالىمەتىنشە, وقىس وقيعا وڭعۇداي اۋدانىندا بولعان.

«ساعات 06:13-تە «شۋ تراكتىسى» ر-256 اۆتوجولىنىڭ 720 شاقىرىمىندا استانا (قازاقستان رەسپۋبليكاسى) – بايان-ولگەي (موڭعوليا رەسپۋبليكاسى) باعىتى بويىنشا جۇرەتىن رەيستىك اۆتوبۋسىنىڭ ورتەنگەنى تۋرالى حابارلاما كەلىپ ءتۇستى. سالوندا 50 ادام بولعان, ونىڭ ىشىندە 15 بالا بار, بارلىعى وزدىگىنەن ەۆاكۋاتسيالاندى. قازا تاپقاندار مەن زارداپ شەككەندەر جوق», – دەلىنگەن مينيسترلىكتىڭ تاراتقان حابارلاماسىندا.

بۇدان بولەك توتەنشە جاعلايلار مينيسترلىگى ساعات 06:14-تە ءورت ورنىنا وڭعۇداي اۋىلىنىڭ №8 ءورت ءسوندىرۋ-قۇتقارۋ ءبولىمىنىڭ ءورت سوندىرۋشىلەرى بارعانىن مالىمدەدى.

«ساعات 07:15-تە ءورت ءسوندىرىلدى. اۆتوموبيل جولىمەن كولىك قوزعالىسى شەكتەلمەيدى. رەسەي تجم كۇشىمەن جولاۋشىلار ينيا اۋىلىنداعى ۋاقىتشا ورنالاستىرۋ پۋنكتىنە جەتكىزىلدى», – دەدى تجم ءباسپاسوز قىزمەتى.