جاڭالىقتار
سالتانات نۇكەنوۆانىڭ اناسى كۇيەۋىنىڭ بۇرىن سوتتالعانىن ايتتى
فوتو: اشىق دەرەككوز
تەلەجۇرگىزۋشى دانا نۇرجىگىت سالتانات نۇكەنوۆانىڭ اناسىمەن ەكسكليۋزيۆتى سۇحبات جاسادى, دەپ جازدى qandastar.kz
سۇحبات بارىسىندا مارقۇم سالتاناتتىڭ اكەسى جەلتوقسان وقيعاسىنا قاتىسىپ, ءتىپتى ءۇش جىلعا سوتتالعانى جايلى ايتىلدى.
«كۇيەۋىم امانگەلدى ەكەۋىمىز تسەلينوگراد اۋىل شارۋالىق ينستيتۋتىنا بىرگە وقۋعا تۇسكەنبىز. جىل سوڭىندا ۇيلەنەمىز دەپ شەشكەنبىز. جەلتوقسان ايىندا پاۆلودارعا بيلەت الىپ ۇشىپ كەتۋدى جوسپارلاپ قويعانبىز. ول جاقتا اتا-انالارىمدى تانىستىرامىز دەدىك. سول جىلدىڭ 16-17 جەلتوقسان وزدەرىڭىز بىلەتىن قايعىلى وقيعا ورىن الادى. سول كەزدە بىراق ءبىلدىم. امانگەلدى جەلتوقسان وقيعاسىن ۇيىمداستىرۋشىلار قاتارىنان ەكەن. تسەلينوگرادتا ءجۇرىپ ءتۇرلى پلاكاتتار دايىنداپ, باسشى نەگە قازاق ەمەس دەپ ءوز پوزيتسيالارىن ءبىلدىرىپ جاتتى. جەلتوقساننىڭ جيىرماسى كۇنى قاسىنداعى جىگىتتەرى ونىڭ ۇستالعانى جايلى قاعازدى اكەلىپ بەرەدى. سوت بولاتىنىن دا كەيىن حابارلادى. سوت كەزىندە ءۇش جىلعا باس بوستاندىعىنان ايىرۋ تۋرالى شەشىم شىعارىلدى. بىراق تا ولاردى استانادا ءبىراز كىدىرتتى. سول كەزدە ونىڭ اناسى جانە اعالارى جوعارى سوتتا بارىپ, ءتىپتى كولبينگە بارىپ وتىنىشتەرىن ءبىلدىردى. اعاسى وتە ساۋاتتى كىسى بولعان. ءتۇرلى حاتتار جازىلىپ, سونىڭ ارقاسىندا جازاسىن جەڭىلدەتۋگە كۇش جۇمسالدى», – دەدى سالتانات نۇكەنوۆانىڭ اناسى جۇماگۇل حانىم.
