Saltanat Núkenovanyń qaıtys bolǵanyna bir jyl: atyshýly is týraly ne belgili?

Foto: ashyq derekkóz

Bir jyl buryn 9 qarashada Saltanat Núkenova qaıtys boldy. Onyń ólimi qazaqstandyqtardy ǵana emes, ózge elderdi de dúr silkindirdi, – dep habarlaıdy qandastar.kz Massaget.kz tilshisine silteme jasap.

Saltanat Núkenovanyń ólimi keıingi jyldardaǵy Qazaqstandaǵy eń atyshýly isterdiń biri boldy. Bul tragedııa eldegi turmystyq zorlyq-zombylyq máselesin ashyq kórsetti.

Bıshimbaev pen Núkenovanyń tanystyǵy

Burynǵy ulttyq ekonomıka mınıstri Qýandyq Bıshimbaev pen Saltanat Núkenova 2022 jyly tamyzda tanysqan. Sol jyly jeltoqsanda olar musylmansha neke qıǵan. Alaıda resmı nekege otyrmady.

Saltanattyń jaqyndarynyń aıtýynsha, Bıshimbaev onyń jumys isteýine tyıym salyp, kimdermen aralasatynyn baqylap, týystarymen, dostarymen baılanysyn shektegen.

Oqıǵa bolǵan kún

2023 jyly 8 qarashada keshke erli-zaıypty Dıma Bılannyń Astanadaǵy konertine barǵan. Konert kezinde olardyń arasynda janjal shyǵyp, olar konert aıaqtalmaı jatyp, Bıshimbaevtyń týysyna tıesili Bau meıramhanasyna barǵan. Onda janjal jalǵasyp, fızıkalyq kúsh kórsetýge ulasqan.

Is materıaldaryna sáıkes, Bıshimbaev Núkenovany qorlap, syılyqtaryn jáne satyp alyp bergen kıimderin aıta bastaǵan. Buǵan jaýap retinde Saltanat zergerlik buıymdar men kıimderin sheship tastap, ishkıimmen qalǵan, bul Bıshimbaevty odan ári ashýlandyrǵan.

Bıshimbaev Núkenovaǵa bylapyt sózder aıtyp, basyn, denesin judyryqtaǵan. Saltanat dárethanada tyǵylýǵa tyrysqan, biraq Bıshimbaev esikti qaǵyp, áreketin jalǵastyrǵan. Bir kezde onyń tamaǵynan ustap alyp, tunshyqtyra bastaǵan, keıin Núkenova esinen tanyp qalǵan. Osydan keıin ol Núkenovany VIP zaldyń edenine jatqyzyp, ózi janyna uıyqtap qalǵan. Beınebaqylaý kameralaryna túsirilgen bul oqıǵa eks-mınıstrge qatysty sotta kórsetildi.

2023 jyly 9 qarashada tańerteń Bau meıramhanasyna jedel járdem shaqyrylǵan. Bul kezde Saltanat Núkenova qaıtys bolǵan. Onyń denesinen soqqy izderi tabyldy.

Keıin polıııa kelip, Qýandyq Bıshimbaev kisi óltirdi degen kúdikpen ustaldy. Tergeý barysynda ol týysynan beınebaqylaý kameralaryndaǵy jazbalardy óshirip tastaýdy surap, qylmystyń izderin jasyrýǵa tyrysqany anyqtaldy.

Sot proesi

Saltanat Núkenovanyń ólimine qatysty sot proesi 2024 jyly naýryzda bastaldy. Bul oqıǵa kópshiliktiń nazaryn aýdardy.

Sot otyrystary tikeleı efırde kórsetildi, bul – Qazaqstan úshin buryn-sondy bolmaǵan jaǵdaı. Sot barysynda Saltanat Núkenova soqqyǵa jyǵylǵan sátter beınelengen beınejazbalar usynyldy.

Medıınalyq saraptamada ólim mı jaraqatynyń saldarynan bolǵany anyqtaldy. Qýandyq Bıshimbaev jubaıyn kúshti dári-dármekter men ishimdik iship, ózi qulap, jaraqat aldy dep, óz kinásin moıyndamady.

Alaıda usynylǵan dálelder men aıǵaqtar nátıjesinde sot pen alqabıler Bıshimbaevty kináli dep tapty.

Sot sheshimi

2024 jyly 13 mamyrda burynǵy ulttyq ekonomıka mınıstri Qýandyq Bıshimbaev asqan qatygezdikpen kisi óltirgeni jáne azaptaǵany úshin 24 jylǵa bas bostandyǵynan aıyryldy.

Onyń týysy Baqytjan Baıjanov qylmysty jasyrǵany úshin 4 jylǵa bas bostandyǵynan aıyryldy.