جاڭالىقتار
سالتانات نۇكەنوۆانىڭ وتباسى قۋاندىق بيشىمباەۆتان 17 ميلليون تەڭگە ءوندىرىپ الدى
فوتو: جوعارعى سوت
سالتانات نۇكەنوۆانىڭ اعاسى ايتبەك امانگەلدى استانا قالاسىنىڭ ازاماتتىق ىستەر جونىندەگى اۋدانارالىق سوتىنا قۋاندىق بيشىمباەۆتان ماتەريالدىق شىعىن مەن مورالدىق زياندى وتەۋ تۋرالى شاعىم ءتۇسىردى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
ايتبەك امانگەلدى ءوزىنىڭ تالاپ ارىزىندا قارىنداسىنىڭ ولىمىنەن كەيىن دەنساۋلىعىنا مورالدىق زيان كەلگەنىن, دەنساۋلىعى ناشارلاپ, جۇمىسقا قابىلەتىن جوعالتقانى تۋرالى ايتقان.
سالتاناتتىڭ اتا-اناسى شىعىننىڭ تالاپكەردىڭ پايداسىنا وندىرىلۋىنەن باس تاراتتى.
“پاراسات پەن ادىلدىك قاعيداتتارىنا سۇيەنە وتىرىپ, جاقىن تۋىسىنىڭ قايتىس بولۋى تالاپكەردىڭ مورالدىق جاعدايىنا كەرى اسەرىن تيگىزگەنىن, ونىڭ جەكە م ۇلىكتىك ەمەس قۇقىقتارىن بۇزعانىن ەسكەرە وتىرىپ, سوت تالاپتى ءىشىنارا قاناعاتتاندىردى”, – دەپ مالىمدەدى استاناداعى ازاماتتىق ىستەر جونىندەگى اۋدانارالىق سوتى.
ناتيجەسىندە بيشىمباەۆقا قىلمىستىق ءىس بويىنشا 6 877 672 تەڭگە كولەمىندەگى شىعىن مەن مورالدىق زيان كەلتىرگەنى ءۇشىن 10 ميلليون تەڭگەنى وتەۋ تۋرالى شەشىم شىقتى. سوت شەشىمى زاڭدى كۇشىنە ەنگەن جوق.
بۇعان دەيىن بيشىمباەۆتىڭ تۇرمەدە جۇمىس ىستەمەۋىنىڭ سەبەبىن جازعان ەدىك.
