سالىق بەرەشەگى بار ادامنىڭ ەسەپشوتى بۇعاتتالمايدى

سالىق سالاسىندا جازالاۋ تاسىلىنەن باس تارتقان دۇرىس, دەپ حابارلايدى Qandastar.kz. بۇل تۋرالى قازاقستان حالقىنا ارنالعان جولداۋىندا مەملەكەت باسشىسى قاسىم-جومارت توقاەۆ حابارلادى.

«جەكە تابىس سالىعىنىڭ مولشەرلەمەسىن ازاماتتاردىڭ كىرىسىنە قاراي ديففەرەنتسياتسيالاۋ قاجەتتىگى تۋىنداپ وتىر. سالىقتىق اكىمشىلەندىرۋ ىسىندە جازالاۋ تاسىلىنەن دە باس تارتقان ابزال. ماجبۇرلەۋ شارالارىن قولدانباي-اق, حابارلاما جىبەرۋ ارقىلى وندىرىلەتىن سالىق بەرەشەگىنىڭ جوعارعى شەگىن كوتەرۋگە بولادى دەپ ويلايمىن», – دەدى قاسىم-جومارت توقاەۆ.

قر پرەزيدەنتى قاسىم-جومارت توقاەۆتىڭ  سوزىنە قاراعاندا, سالىق بەرەشەگى شەكتەن اسىپ كەتكەن جاعدايدا قارىز سوماسىنا عانا شەكتەۋ قويىلۋ كەرەك.

«ياعني, بورىشكەردىڭ بانكتەگى ەسەپ-شوتى تولىق بۇعاتتالمايدى. بەرەشەك سوماسى تىم كوپ بولعان جاعدايدا, كەپىلگە م ۇلىك قويۋدى تالاپ ەتپەي, قارىزدى ءبولىپ تولەۋگە مۇمكىندىك بەرگەن ءجون. جوسپارعا ساي تەكسەرۋ تاسىلىنەن ءبىرجولا باس تارتۋعا تىرىسۋ كەرەك. ول ءۇشىن قاتەرلەردىڭ الدىن الۋ جۇيەسىن جەتىلدىرۋ قاجەت», – دەدى پرەزيدەنت.