سالىق كودەكسى جوباسىنا تۇزەتۋلەر ەنگىزۋ ماسەلەسى تالقىلاندى

فوتو: اشىق دەرەككوز

 پارلامەنتى ماجىلىسىندە وتكىزىلگەن دوڭگەلەك ۇستەلدە سالىق كودەكسى جوباسىنا تۇزەتۋلەردىڭ جاڭا توپتاماسى تالقىلاندى, – دەپ حابارلايدى qandastar.kz ۇلتتىق ەكونوميكا مينيسترلىگىنە سىلتەمە جاساپ.

دوڭگەلەك ۇستەل جۇمىسىنا قارجى, ەڭبەك جانە حالىقتى الەۋمەتتىك قورعاۋ, دەنساۋلىق ساقتاۋ, تۋريزم جانە سپورت مينيسترلىكتەرىنىڭ جانە باسقا دا مينيسترلىكتەردىڭ, ەكونوميكالىق زەرتتەۋلەر ينستيتۋتىنىڭ, ۇلتتىق بانكتىڭ, قارجى نارىقتارىن رەتتەۋ اگەنتتىگىنىڭ, «اتامەكەن» ۇكپ جانە باسقا دا ۇيىمداردىڭ وكىلدەرى, ەكونوميستەر قاتىستى.

بۇرىن حابارلانعانداي, جاڭا تۇزەتۋلەر مىناداي تەتىكتەردەن تۇرادى:
— جالپى بەلگىلەنگەن ققس ستاۆكاسى 16%;
− اوك-ءتى ققس-تان تولىق بوساتۋ;
− بىرقاتار سالالاردا – دەنساۋلىق ساقتاۋدا 10% ارالىق مولشەرلەمە.
− ەسەپكە قويۋ شەگىن 80 ملن تەڭگەدەن 15 ملن تەڭگەگە دەيىن تومەندەتۋ.
سونداي-اق جەڭىلدەتىلگەن دەكلاراتسيا مەن بولشەك سالىق رەجيمىن قايتا قاراۋ ۇسىنىلادى. ۇسىنىلعان جەڭىلدەتىلگەن دەكلاراتسيا رەجيمى بويىنشا تابىس شەگى 600 مىڭ اەك (2 359 ملن تەڭگە) جانە ءماسليحاتتاردىڭ 50%-عا تومەندەتۋ مۇمكىندىگىمەن 4%-دىق مولشەرلەمە ساقتالعان كەزدە مىناداي وزگەرىستەر ۇسىنىلادى:
− قىزمەت تۇرلەرىن قىسقارتۋ جانە تەك B2C سەگمەنتىندە جۇزەگە اسىرۋ;
— قىزمەتكەرلەر سانى بويىنشا شەكتەۋلەردى الىپ تاستاۋ;
− ەگەر ساتۋدان تۇسكەن تابىس جىلىنا 100 ملن تەڭگەدەن اساتىن بولسا, ەتق-نى شەگەرۋ.

سالىق كودەكسىنىڭ جوباسىندا قابىلدانىپ جاتقان شارالاردى ەسكەرە وتىرىپ, سالىق تۇسىمدەرىنىڭ ءوسۋى جىل سايىن 4-5 ترلن تەڭگەنى قۇرايدى دەپ كۇتەمىز. سالىقتى كوتەرۋدىڭ ىقتيمال ينفلياتسيالىق اسەرى قىسقا مەرزىمدى بولاتىنىن جانە جىل ىشىندە تاۋسىلاتىنىن اتاپ ءوتۋ ماڭىزدى, — دەدى ازامات ءامرين.

بيۋدجەت-سالىق رەفورماسىنىڭ نەگىزگى ماقساتتارى 3 نەگىزگى سىن-قاتەردى شەشۋ: ەكونوميكالىق پروبلەمالار, بيۋدجەت تاپشىلىعى جانە سالىقتىق مورالدى نىعايتۋ. ەل بيۋدجەتىنە تۇسەتىن تۇسىمدەردىڭ ءوسۋى مەملەكەت الدىندا تۇرعان دامۋ مىندەتتەرىن شەشۋگە, ۇلتتىق قوردان الىپ قويۋدى شەكتەۋگە, مەملەكەتتىك بورىش پەن وعان جۇمسالاتىن شىعىستاردى ازايتۋعا مۇمكىندىك بەرەدى.

الىنعان قوسىمشا كىرىستەر مىنالارعا مۇمكىندىك بەرەدى:

− ۇلتتىق قورعا تاۋەلدىلىكتى ازايتادى;

− مەملەكەتتىك قارىز دەڭگەيىن تومەندەتەدى;

− قوسىمشا رەسۋرستار ينفراقۇرىلىمدى, اگروونەركاسىپتىك كەشەندى, وڭدەۋ ونەركاسىبى مەن قورعانىستى دامىتۋعا, ينۆەستيتسيالىق جوبالاردى كرەديتتەۋگە, دامۋ ينستيتۋتتارىن دامىتۋعا, تكش, جىلۋ-ەنەرگەتيكالىق جۇيەنى جاڭعىرتۋعا باعىتتالادى, — دەلىنگەن حابارلامادا.