سالىق تولەمەي جۇرگەن بلوگەرلەر كىمدەر ەكەنى بەلگىلى بولدى

فوتو:todayinfo.kz

پروديۋسەر بايان ماقساتقىزى مەملەكەتكە 272 ميلليون تەڭگە تاپقان تابىسىنان سالىق تولەمەگەن. ميلليونداپ تابىس تاپسا دا, سالىق تولەمەگەندەردىڭ قاتارىندا ءلايلا سۇلتانقىزى دا بار, دەپ حابارلايدى qandastar.kz

ءلايلا سۇلتانقىزى 160 ميلليون تەڭگەدەن اسقان تابىسىنىڭ ەسەبىنەن مەملەكەتكە قۇن تولەمەگەن.ال ميللياردەر سىرىمبەك تاۋ بلوگەر بولماسا دا بورىشكەرلەردىڭ قاتارىندا تۇر.

todayinfo.kz جازعانداي, كاسىپكەردىڭ مەملەكەت الدىنداعى قارىزىنا 114 ميلليون تەڭگە تابىسى سەبەپ بولىپ تۇر.

سالىق تولەۋشىلەردىڭ كوشىن  2 ميلليارد 163 ميلليون تەڭگەدەن سالىق تولەمەگەن بەيبىت الىبەكوۆ باستاپ تۇرسا, بورىشكەرلەردىڭ ىشىندە جۋرناليست, بلوگەر وركەن كەنجەبەك تە ءجۇر.

ونىڭ مەملەكەت الدىنداعى قارىزى 215 ميلليون تەڭگەدەن تۇسكەن سالىق بولىپ وتىر. ال ءانشى التىناي جوراباەۆا مەملەكەتتىك كىرىستەر دەپارتامەنتىنە 110 ميلليون تەڭگەدەن تۇسكەن قۇندى تولەۋى ءتيىس.

كوزاچكوۆ تەلەگرام ارناسى مەملەكەتكە قارىز 31 ادامنىڭ ءتىزىمىن جاريالادى.

ەسكە سالساق, قازاقستاندىق بلوگەرلەرگە جالپى سوماسى 53,3 ميلليارد تەڭگەنى قۇرايتىن سالىقتىق مىندەتتەمەلەر جۇكتەلدى. مەملەكەتتىك كىرىستەر كوميتەتىنىڭ مالىمەتىنشە, 594 ادامنىڭ تابىس دەكلاراتسيالارىندا ايتارلىقتاي سايكەسسىزدىكتەر انىقتالعان.