Salyq tólemeı júrgen blogerler kimder ekeni belgili boldy

Foto:todayinfo.kz

Prodıýser Baıan Maqsatqyzy memleketke 272 mıllıon teńge tapqan tabysynan salyq tólemegen. Mıllıondap tabys tapsa da, salyq tólemegenderdiń qatarynda Láılá Sultanqyzy da bar, dep habarlaıdy qandastar.kz

Láılá Sultanqyzy 160 mıllıon teńgeden asqan tabysynyń esebinen memleketke qun tólemegen.Al mıllıarder Syrymbek Taý bloger bolmasa da boryshkerlerdiń qatarynda tur.

todayinfo.kz jazǵandaı, kásipkerdiń memleket aldyndaǵy qaryzyna 114 mıllıon teńge tabysy sebep bolyp tur.

Salyq tóleýshilerdiń kóshin  2 mıllıard 163 mıllıon teńgeden salyq tólemegen Beıbit Álibekov bastap tursa, boryshkerlerdiń ishinde jýrnalıst, bloger О́rken Kenjebek te júr.

Onyń memleket aldyndaǵy qaryzy 215 mıllıon teńgeden túsken salyq bolyp otyr. Al ánshi Altynaı Jorabaeva memlekettik kirister departamentine 110 mıllıon teńgeden túsken qundy tóleýi tıis.

Kozachkov telegram arnasy memleketke qaryz 31 adamnyń tizimin jarııalady.

Eske salsaq, Qazaqstandyq blogerlerge jalpy somasy 53,3 mıllıard teńgeni quraıtyn salyqtyq mindettemeler júkteldi. Memlekettik kirister komıtetiniń málimetinshe, 594 adamnyń tabys deklaraııalarynda aıtarlyqtaı sáıkessizdikter anyqtalǵan.