SALYQ JÚIESIN TOLYQ IFRLANDYRÝ QAJET

Bıyl Memleket basshysy jaýapty organdarǵa osyndaı tapsyrma júktedi. Qazir Qarjy mınıstrligi jańa kodeks jobasyn ázirlep jatyr. Vedomstvonyń málimetinshe, qujat Májilistiń qaraýyna kóktemde engizilýi tıis. Salyq júıesin jetildirýge qatysty qandaı is-sharalar qolǵa alynady? Elimizde sońǵy 5 jylda bıýdjet tapshylyǵy 11 trıllıon teńgeden asqan. Muny Memleket basshysy synǵa alyp, jaýaptylarǵa bıýdjet jáne salyq saıasatynyń tıimdiligin arttyrýdy tapsyrdy. Ázirge qazyna máselesi bıznestiń aınalymdaǵy aqshasy esebinen sheshilip keledi. Budan bólek bıýdjetti bólý tártibi de rettelmeı tur. Prezıdent salyq júıesin tolyq ıflandyrýdy tapsyrdy. Gúlmıra Ahmetova, QR QM MKK IT-menedjment basqarmasy basshysynyń orynbasary: — Avtomattandyrý salasynda komıtettiń mańyzdy jetistikteri elektrondyq qyzmet kórsetýdiń úlesin 99 paıyzǵa jetkizý. Onyń ishinde salyq eseptiligin elektrondy tapsyrý búgingi kúni 99,7 paıyzǵa jetip otyr. Jalpy zamanaýı tehnologııalardy eskere otyryp, memlekettik qyzmet kórsetýdi servıstik modeline tolyqqandy ótý josparlanýda. Salyq eseptiligin aldyn ala toltyrý jáne jasandy ıntellekt, mátindi analıtıkany keńinen qoldaný josparlanyp otyr. Qazir vedomstvo jańa Salyq kodeksin ázirlep jatyr. Ol bıýdjet pen salyq saıasatynyń tıimdiligin arttyrýǵa baǵyttalǵan. Gúlmıra Ahmetova, QR QM MKK IT-menedjment basqarmasy basshysynyń orynbasary: — Jańa salyq kodeksin ázirleý jumysy qazirgi ýaqytta jalǵasýda. Bul rette Úkimettiń tapsyrmasyna sáıkes jańa salyq kodeksiniń jobasyn Úkimetke engizý merzimi aǵymdaǵy jyldyń naýryz aıynyń sońyna deıin belgilengen. Al bul jobany Májiliske engizý merzimi aǵymdaǵy jyldyń 15 mamyr aıy dep belgilenip otyr. Qazir mıkro- jáne shaǵyn kásipkerliktiń kókjıegin keńeıtýge basymdyq berilgen. Olardyń kedergisiz jumys isteýi úshin jaǵdaı jasalýy tıis. Jan-jaqty qoldaý qajet. Al tolyqtaı sandyq rejımge kóshetin salyq júıesi isker azamattardyń jumysyn jeńildetýi kerek. Sarapshylar tolyq ıfrlandyrý qarapaıym halyqtyń da qarjylyq saýattylyǵy arttyrady dep otyr. Baýyrjan Ysqaqov, ekonomıst: — Munyń tek qana kásipkerlerge emes, qoǵamǵa da paıdasy úlken. О́ıtkeni qazir azamattar mynaý kiristerdiń qalaı bolyp jatqanyn, ashyqtyǵyn talap etip otyr. Iaǵnı osy arqyly biz bıýdjettiń kiris bóligin osy ıfrlandyrý arqyly bolǵan saıyn, zeınetaqynyń da mólsheri artady, jalpy qoǵamda qarjylyq saýattylyqtyń ornaýyna ákeletin birden bir jaǵdaı. Tıimdi salyq saıasaty otandyq ekonomıkany qarqyndy damytýǵa jol ashady. Salany reformalaý arqyly memleket pen bıznestiń arasynda jańa qoǵamdyq shart jasalady. Ulttyq tabysty ádil bólýdiń joly qalyptasady.