جاڭالىقتار
«ساناسپايتىن ادامعا توزەتىن ارتىق شىدام جوق»: دانا نۇرجىگىت ايەلدەر قاۋىمىنا اقىل ايتتى
فوتو: ينستاگرام
تەلەجۇرگىزۋشى دانا نۇرجىگىت ءومىرىنىڭ بەل ورتاسىنا كەلگەندە وزگەرگەنىن ايتتى. جۋرناليست الەۋمەتتىك جەلىدەگى پاراقشاسىندا ۆيدەو جاريالاپ, ايەلدەر قاۋىمىنا اقىل ايتتى, دەپ حابارلايدى qandastar.kz
ء”ومىردىڭ بەل ورتاسىنا كەلگەندە مىنانى تۇيسىگىڭە ءتۇيىپ ال, قۇربىم! سەندە ەندى جاس كەزدە ارتىعىمەن بولاتىن كوپ نارسە جوق. بوس اڭگىمەگە ارتىق ۋاقىت جوق. ارتىق دەنساۋلىق جوق. سەنىمەن ساناسپايتىن ادامعا توزەتىن ارتىق شىدام جوق. ءوزىڭدى كەزەكتىڭ سوڭىنا قوياتىن بۇرىنعى ۇياڭدىق جوق. وسى جاستا ۇققانىڭ مىناۋ بولۋ كەرەك: ءومىر دەگەن قايتا-قايتا جازاتىن كوشىرمە ەمەس, ءبىر عانا رەت جازىلاتىن تۇپنۇسقا! سونى ءتۇسىن, قۇربىم. جان تىنىشتىعى, ءتان ساۋلىعى ءبىرىنشى ورىندا تۇرسىن! ءوزىڭ قالاعان ءىس شابىت بەرىپ, ومىرىڭە ءمان بەرەتىن شارۋاڭ عانا ونەدى, سوعان كوزىم جەتتى. تاڭداۋ ءوز قولىڭدا, قۇربىم”, — دەيدى ول.
Skifnews.kz جازعانداي, جەلى قولدانۋشىلارى دانا نۇرجىگىتتىڭ ەرەكشە فورماتتاعى ۆيدەوسى مەن وبرازىنا ءتۇرلى پىكىرلەر جازۋدا.
”وسى دۇنيەنى قارتايعاندا ءبىر-اق تۇسىندىك”, “50 دەن اسقاندا بۇلاي بيلەگەن ىڭعايسىز ەكەن”, “وتە دۇرىس ايتاسىز”, “سىزدە نازىكتىك جوق ەكەن, بۇلاي كوپشىلىككە بيلەمەڭىز”, — دەپ جازدى ولار.
ەسكە سالا كەتەيىك, وتكەن جىلدىڭ قازان ايىندا دانا نۇرجىگىت ەكىنشى نەكەسىنىڭ ءساتسىز بولعانىن, كۇيەۋىنەن مورالدىق جانە پسيحيكالىق قىسىم كورگەنىن ايتتى. ءجۋرناليستىڭ ەكس-جۇبايى قىلمىستىق كودەكستىڭ 147 بابى بويىنشا 3 جىلعا شارتتى تۇردە سوتتالعان.
