«Sanaspaıtyn adamǵa tózetin artyq shydam joq»: Dana Nurjigit áıelder qaýymyna aqyl aıtty

Foto: ınstagram

Telejúrgizýshi Dana Nurjigit ómiriniń bel ortasyna kelgende ózgergenin aıtty. Jýrnalıst áleýmettik jelidegi paraqshasynda vıdeo jarııalap, áıelder qaýymyna aqyl aıtty, dep habarlaıdy qandastar.kz

”О́mirdiń bel ortasyna kelgende mynany túısigińe túıip al, qurbym! Sende endi jas kezde artyǵymen bolatyn kóp nárse joq. Bos áńgimege artyq ýaqyt joq. Artyq densaýlyq joq. Senimen sanaspaıtyn adamǵa tózetin artyq shydam joq. О́zińdi kezektiń sońyna qoıatyn burynǵy uıańdyq joq. Osy jasta uqqanyń mynaý bolý kerek: О́mir degen qaıta-qaıta jazatyn kóshirme emes, bir ǵana ret jazylatyn túpnusqa! Sony túsin, qurbym. Jan tynyshtyǵy, tán saýlyǵy birinshi orynda tursyn! О́ziń qalaǵan is shabyt berip, ómirińe mán beretin sharýań ǵana ónedi, soǵan kózim jetti. Tańdaý óz qolyńda, qurbym”, — deıdi ol.

Skifnews.kz jazǵandaı, jeli qoldanýshylary Dana Nurjigittiń erekshe formattaǵy vıdeosy men obrazyna túrli pikirler jazýda.

”Osy dúnıeni qartaıǵanda bir-aq túsindik”, “50 den asqanda bulaı bılegen yńǵaısyz eken”, “О́te durys aıtasyz”, “Sizde náziktik joq eken, bulaı kópshilikke bılemeńiz”, — dep jazdy olar.

Eske sala keteıik, ótken jyldyń qazan aıynda Dana Nurjigit ekinshi nekesiniń sátsiz bolǵanyn, kúıeýinen moraldyq jáne psıhıkalyq qysym kórgenin aıtty. Jýrnalıstiń eks-jubaıy qylmystyq kodekstiń 147 baby boıynsha 3 jylǵa shartty túrde sottalǵan.