«سانگە اينالدى»: الماتىداعى تۇرعىن ءۇي كەشەندەرىنىڭ بىرىندە ايەلدى ءولتىرىپ كەتكەن

فوتو: اشىق دەرەككوز

17 تامىزعا قاراعان ءتۇنى «نەمولچيKZ» قورىنا الماتىداعى «اسىلتاۋ» تۇرعىن ءۇي كەشەندەرىنىڭ بىرىندە ايەل ادام ولتىرىلگەنى تۋرالى حابارلاماسا كەلىپ ءتۇستى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

قوردىڭ ايتۋىنشا, ايەل عيماراتتاعى 14-15 قاباتتاردى جيناپ, تازالىقشى بولىپ جۇمىس ىستەپ جۇرگەن. ساعات 17:00-دە تۇرعىن ءۇي كەشەنىندە پوليتسيا مەن جەدەل جاردەم كەلدى.

«سالەمەتسىز بە?! ءبىزدىڭ الماتىداعى تۇرعىن ءۇي كەشەنىندە تازالىقشى ايەلدى كۇيەۋى ۇرىپ ءولتىردى. بۇل سۇمدىق. ءبىزدىڭ ەلدە ايەلىن ۇرىپ-سوعىپ ءولتىرۋ سانگە اينالعان سياقتى. قىلمىسكەردى قولعا تۇسىرگەن سەكىلدى. ايەلدىڭ ءبىر قىزى بار, جاسى 45-تە ەدى. مەن ونى كۇندە كورەتىنمىن, سونداي ۇقىپتى ەدى. ەكى ۇيدەگى 14-15 قاباتقا دەيىن تاپ-تازا ەتىپ, جيناپ شىعاتىن”, – دەپ جازدى تۇرعىنداردىڭ ءبىرى.

الماتى پوليتسيا دەپارتامەنتى قايعىلى وقيعانى راستاپ, ءىس قوزعالعانىن مالىمدەدى.

“الماتى پوليتسيا دەپارتامەنتى بۇل فاكتى بويىنشا قىلمىستىق ءىس قوزعالعانىن حابارلادى. كۇدىكتى ء«ىزىن سۋىتپاي» ۇستالىپ, ۋاقىتشا ۇستاۋ يزولياتورىنا جەتكىزىلدى. سوت-مەديتسينالىق ساراپتاما تاعايىندالدى”, – دەدى پوليتسيا دەپارتامەنتى.

ەسكە سالايىق, بۇعان دەيىن الماتىدا ەر ادام ايەلىنە 10 رەت پىشاق جاراقاتىن سالىپ ءولتىردى دەپ ايىپتالىپ جاتقانىن جازدىق. جابىرلەنۋشىنىڭ جاقىندارىنىڭ سوزىنشە, ايىپتالۋشى تاراپ قىلمىس اففەكت جاعدايىندا بولدى دەپ ايتقان. ولار كىنالى تاراپتىڭ ءادىل جازالانۋىن تالاپ ەتەدى.