«سانتەحنيككە جولاماعاندا ءتىرى بولار ەدى»: ماقپال ءجۇنىسوۆا مارقۇم ءمادينا ەراليەۆانى ەسىنە الدى

فوتو: ستان.كز

قر حالىق ءارتىسى ماقپال ءجۇنىسوۆا مارقۇم ءمادينا ەراليەۆانى ەسىنە الىپ, ونىڭ ۆيدەوسىن جۇكتەدى.

بۇل تۋرالى Stan.kz اقپارات اگەنتتىگى حابارلايدى.

كەزىندە «قازاقتىڭ اقبايانى» اتانعان كۇمىس كومەي ءانشى, ەرەكشە داۋىس يەسى ءمادينا ەراليەۆا كولىك اپاتىنان كوز جۇمعان ەدى.

“بۇگىن مارقۇم مادينا ەراليەۆا اپكەمىز ارامىزدا بولعاندا 70 جاسىن تويلار ەدى. قۇران باعىشتاپ قوياايىق. ارتىندا قالعان ۇلىنىڭ وتباسى وركەندەي بەرسىن, توپىراعى تورقا بولسىن!”, – دەپ جازدى حالىق ءارتىسى.

جەلى قولدانۋشىلارى مارقۇم ءانشىنى ەسىنە الىپ, قىزىق ەستەلىكتەرىن ءبولىسىپ جاتىر.

“كەلۋ-كەتۋ ءومىردىڭ – قاعيداسى, باقي سوڭى جالعاننىڭ, ءفاني باسى” دەگەن وسى ەكەن”, “اتا-انام ءمادينا قايتقاندا جىلاعان ەدى”, “ينتەرنەت جوق كەز. تەلەديداردان كورەتىن ەدىم”, “70 جاس تا ءانشى ءۇشىن تىم ەرتە ەمەس پە. سول سانتەحنيككە جولاماعاندا ءتىرى جۇرەر مە ەدى?!”, “قايتالانبايتىن داۋىس يەسى”, – دەپ جازىپ جاتىر وقىرمان قاۋىم.

ەسكە سالايىق, بۇعان دەيىن مارقۇم ءانشىنىڭ ۇلى ارسەن اناسى تۋرالى ەكسكليۋزيۆ سۇحبات بەرگەن ەدى.