«Santehnıkke jolamaǵanda tiri bolar edi»: Maqpal Júnisova marqum Mádına Eralıevany esine aldy

Foto: Stan.kz

QR Halyq ártisi Maqpal Júnisova marqum Mádına Eralıevany esine alyp, onyń vıdeosyn júktedi.

Bul týraly Stan.kz aqparat agenttigi habarlaıdy.

Kezinde «qazaqtyń Aqbaıany» atanǵan kúmis kómeı ánshi, erekshe daýys ıesi Mádına Eralıeva kólik apatynan kóz jumǵan edi.

“Búgin marqum Madına Eralıeva ápkemiz aramyzda bolǵanda 70 jasyn toılar edi. Quran baǵyshtap qoıaaıyq. Artynda qalǵan ulynyń otbasy órkendeı bersin, topyraǵy torqa bolsyn!”, – dep jazdy halyq ártisi.

Jeli qoldanýshylary marqum ánshini esine alyp, qyzyq estelikterin bólisip jatyr.

“Kelý-ketý ómirdiń – qaǵıdasy, Baqı sońy jalǵannyń, fánı basy” degen osy eken”, “Ata-anam Mádına qaıtqanda jylaǵan edi”, “Internet joq kez. Teledıdardan kóretin edim”, “70 jas ta ánshi úshin tym erte emes pe. Sol santehnıkke jolamaǵanda tiri júrer me edi?!”, “Qaıtalanbaıtyn daýys ıesi”, – dep jazyp jatyr oqyrman qaýym.

Eske salaıyq, buǵan deıin marqum ánshiniń uly Arsen anasy týraly eksklıýzıv suhbat bergen edi.