«Sap-saý bolyp týyldy»: Qyzylordada 5 kúnnen keıin shetinep ketken sábıdiń ata-anasy balanyń ólimine dárigerlerdi kinálaıdy

Qyzylordada sábı ómirge kelip, bes kúnnen keıin shetinep ketti. Týǵanda densaýlyǵy jaqsy dep sendirgen dárigerler saraptama nátıjesi balanyń mıynda isik baryn kórsetkenin aıtty. Ulynan aıyrylǵan ata-ana bolǵan jaǵdaıǵa dárigerler kináli dep sanaıdy, dep habarlaıdy qandastar.kz Informbıýro-ǵa silteme jasap.

Erli-zaıypty Dáýlet pen Aıgúl bir aı buryn uldy boldyq dep qýanyp, jaqyndarynan súıinshi suraǵan. О́mirge kelgen nárestege Baıjan degen esim qoıyp úlgeripti. Alaıda nebári bes kún jaryq dúnıeni kórgen shaqalaq shetinep ketken.

Áıel ulyn kesar tiligi arqyly dúnıege ákelgen. Alaıda dárigerler balanyń jatyrda ókpesi qysylyp qalǵanyn aıtty dep otyr. Al bes kún ótkende sábıdiń densaýlyǵy kúrt nasharlap, jansaqtaý bóliminde jan tapsyrǵan. Al saraptama qortyndysynda balanyń shetinep ketýine mıyndaǵy isik sebep bolǵany jazylǵan. Erli-zaıypty buryn-sońdy baıqalmaǵan syrqat dárigerlerdiń salǵyrttyǵynan paıda bolýy múmkin dep kúdiktenedi.

“Kıindirip jatqan kezde me, álde bylaıynsha ýaqyttarda ma qatty bir jerge qoıyp qaldy basyn. Bolmasa uryp aldy. Áıtpese isik qaıdan paıda bolady? Sap-saý bala, ol qalaı ketip qalady dep edim. Neden bolyp jatqanyn biz de túsinbedik dep otyr”, – deıdi Aıgúl.

Al Qyzylordadaǵy “Ana men bala” ortalyǵyndaǵy dárigerlerdiń óz shyndyǵy bar. Olardyń aıtýynsha, balanyń densaýlyǵynda qursaqta jatqanda bitken aqaýy bolǵan.

“Uzaq qursaq ishilik gepoksııa negizinde bas mı ıshemııasy dıagnozy qoıylyp, jansaqtaý bóliminde náreste em aldy. Bul ottegi jetispeýshiligi ǵoı. Sonyń negizinde polıorgandy jetispeýshilik bas mı isinýinen em-domǵa qaramastan náresteniń aǵzasynda qaıtymsyz proester bolýy negizinen bala 11 naýryz kúni shetinep ketti”, – deıdi Qyzylorda oblystyq ana men bala perınataldyq ortalyǵy bas dárigeriniń orynbasary Sáýle Jaqanova.

Dárigerler náresteni aman alyp qalý úshin qolymyzdan kelgenin jasadyq dep aqtalyp álek. Alaıda erlizaıypty olardyń sózine senýden bas tartty. Sol sebepti quzyrly organdarǵa dárigerlerdiń ústinen shaǵym túsirmek.