ساپا ءۇشىن ادال تولەم قاجەت: “جاڭا ادامدار” جولاقىعا قاتىستى باستاما كوتەردى

فوتو: rweek.ru

الماتىلىقتاردىڭ جول ازابىمەن بەتپە-بەت تاپ كەلەتىن كەزى كوپ. مۇنىڭ باستى سەبەبى — بيلەتسىز جۇرەتىن جولاۋشىلار. مىسالى, وتكەن جىلدىڭ تەك ءبىر ايىنىڭ وزىندە بيلەتسىز جولعا شىققانداردىڭ سانى 60%-عا ارتقان. بۇل ماسەلە قوعامدىق كولىكتەردىڭ ساپاسىنا كەرى اسەرىن تيگىزۋدە, دەپ جازادى qandastar.kz.

“جاڭا ادامدار” قوزعالىسى مۇنى نازارعا الدى. قوردىڭ «زايتسام – نەت!» ازاماتتىق ناۋقانى ءاربىر جولاۋشىنىڭ قوعامدىق كولىكتە جولاقى تولەۋىن باقىلايدى. ويتكەنى بۇل قالاداعى كولىك جۇيەسىنىڭ دامۋى مەن جايلىلىعىنا ۇلەس قوسىپ وتىر.

جولاقىدان تۇسكەن قاراجات قوعامدىق كولىكتەردى جوندەۋگە, اۆتوبۋستاعى تازالىقتى قامتاماسىز ەتۋگە, سونداي-اق جولاۋشىلارعا قىزمەت كورسەتۋ ساپاسىن ارتتىرۋعا جۇمسالادى.

كوپشىلىگىمىزگە دۇكەندە تاۋار ءۇشىن تولەمەي, ونى الۋ تۋرالى وي كىرىپ تە شىقپايدى. بىراق نەگە ەكەنى بەلگىسىز, بۇل ەرەجە قوعامدىق كولىكتە ءجيى ۇمىتىلادى. جۇيەلى رەيدتەر كەزىندە بيلەتسىز جۇرگەن جولاۋشىلاردان سان ءتۇرلى سىلتاۋلاردى ەستىدىك: «مەن ەندى عانا وتىردىم», «تولەم جاساۋدى ۇمىتىپ كەتتىم», «تەلەفوننىڭ قۋاتى جوق». كەيبىر «قوياندار» كولىكتىڭ تومەن جاعدايىنا سىلتەپ, ادەيى تولەۋدەن باس تارتادى.

ء“بىز «قوياندارعا – جوق!» دەپ الماتى تۇرعىندارىن جاۋاپكەرشىلىك تانىتىپ, جولاقىنى ادال تولەۋگە شاقىرامىز. قالانىڭ كولىك جۇيەسىنىڭ جاعدايى — تۇرعىندار ونىڭ دامۋىنا قالاي قارجى قۇيسا, ءدال سولاي قالىپتاسادى. تولەگەن ادام عانا ساپانى تالاپ ەتۋگە قۇقىلى!“, – دەدى قور بەلسەندىلەرى.